ნაძალადევის რაიონში საცხოვრებელი სახლების სახურავების რეაბილიტაცია მიმდინარეობს. ამ ეტაპზე, რაიონის გამგეობის დაფინანსებით, ქანობიანი და ბრტყელი სახურავის შეკეთება საყვირის ქ.№2-ში მდებარე საცხოვრებელ სახლში ხორციელდება. პროცესი დასკვნით ეტაპზეა. აღნიშნულ მისამართზე მიმდინარე სამუშაოები ნაძალადევის რაიონის გამგეობის ბინათმესაკუთრეთა ამხანაგობების განვითარების განყოფილების თანამშრომლებმა დაათვალიერეს.

გამგეობა ამხანაგობის მიერ ინიცირებულ პროექტს 32 326 ლარით აფინანსებს. შენობის სახურავის სარეაბილიტაციო სამუშაოები 1410 კვ/მ ფართობზე მიმდინარეობს. საცხოვრებელ სახლში სულ 42 ოჯახი ცხოვრობს.

2015 წლის იანვარ-თებერვალში ქანობიანი და ბრტყელი სახურავი 8 ობიექტზე შეკეთდა (საერთო ფართობი 6325 კვ/მ-ია). ყველა მისამართზე სამუშაოები დასრულებულია. აღნიშნული ინფრასტრუქტურული პროექტები ნაძალადევის რაიონის გამგეობამ 128 375 ლარით დააფინანსა. სახურავების შეკეთების თაობაზე მარტის თვეში შემოსული 26 განცხადებიდან გამგეობა 15 პროექტს, 107 726 ლარით აფინანსებს, საერთო ფართობი 8 498 კვ/მ-ია. ამ ობიექტებზე სარეაბილიტაციო სამუშაოები ახლო მომავალში დაიწყება.

ასევე ნაძალადევის რაიონის გამგეობის მიერ თებერვალში დამტკიცებულია ბრტყელი სახურავის შეკეთების 2 პროექტი, რომლებსაც გამგეობა 29 324 ლარით დააფინანსებს. ამ მისამართებზე სამუშაოები უამინდობის გამო გადაიდო და სახურავების შეკეთება უახლოეს მომავალში დაიწყება.