„აი მანდ დამერხა“ - ნინა წკრიალაშვილი

საზოგადოება - 11:55, 02 Apr, 2015

2701

„ძალიან მკაცრი მამა მყავდა და მეგონა როცა გავთხოვდებოდი , ბევრად უფრო თავისუფალი ვიქნებოდი... აი, მანდ დამერხა“ - ამბობს ნინა წკრიალაშვილი, რომელიც თავისუფლების წყურვილმა16 წლის ასაკში გაათხოვა.
ყოფილ ქმრებსა და მათთან ურთიერთობაზე ქართველმა ცნობილებმა „ნანუკას შოუში“ ილაპარაკეს. ნინას თქმით მეუღლესთან დაშორების ერთ-ერთი მიზეზი ღალატი იყო.
ნინა წკრიალაშვილი: „საერთოდ ასეთი ხასიათი მაქვს, ძალიან ბევრს ვითმენ, მაგრამ ბოლოს როდესაც ვამბობ არას, არასოდეს ვცვლი გადაწყვეტილებას. ამ არას პრინციპის გამო კი არ ვამბობ, უბრალოდ მეტის მოთმენა არ შემიძლია. დაცილებიდან პირველი ერთი წელი მქონდა სკანდალები. ჩემი ყოფილი ქმარი მე მაბრალებდა, შენი ბრალია ოჯახის დანგრევა, ოჯახის ქალი არ იყავიო, არადა ცხოვრებაში ერთადერთხელ ვიყავი ოჯახის ქალი, 17-დან 23 წლამდე.
ვდგებოდი დილით 6 საათზე, გამყავდა ბავშვი სუფთა ჰაერზე, წვნიანი , პიცა, ხაჭაპური, ყველაფერს მე ვაკეთებდი. არ მყავდა ღამის ძიძა, იმიტომ რომ ვთვლიდი რომ დედამ უნდა გაზარდოს ბავშვი. ვინ დაგიფასა? არავინ. თან მიღალატეს და ამიტომ გადავწყვიტე თუ თავს პატივს არ სცემ, თუ არ გამოიძინებ, თუ სხვას არ გააკეთებინებ სადილს, სახლს სხვას არ დაალაგებინებ და თუ არ ივარჯიშებ და ა. შ. ყველა გიღალატებს“.