საქართველოს უნივერსიტეტი სტუდენტების და კურსდამთავრებულების დასაქმების მაღალი მაჩვენებლით გამოირჩევა

საზოგადოება - 13:19, 31 Mar, 2015

6877

საქართველოს უნივერსიტეტში აცხადებენ, რომ ჩატარებული კვლევის მიხედვით, მათი სასწავლებლის სტუდენტებისა და კურსდამთავრებულების 90% - ზე მეტი დღეს დასაქმებულია.
როგორც საქართველოს უნივერსიტეტში აცხადებენ, სტუდენტთა დასაქმების მაღალი მაჩვენებელი განპირობებულია ორი მიზეზით:
1) სწავლის მაღალი ხარისხი, რაც სტუდენტების მაღალკვალიფიციურობას და პროფესიონალიზმს უზრუნველყოფს;
2) უნივერსიტეტში არსებული დასაქმების ხელშეწყობის სამსახურის აქტიური მუშაობა სტუდენტების კარიერული წინსვლის მიმართულებით.

საქართველოს უნივერსიტეტის სტუდენტები ისეთი ტრენინგებით არიან უზრუნველყოფილნი როგორიცაა: რეზიუმეს მომზადება, ეფექტიანი გასაუბრების მეთოდები, დასაქმების ძიების პროცესის ლავირება, სტაჟირება სტუდენტობის პერიოდში გამოცდილების დაგროვების მიზნით.

საქართველოს უნივერსიტეტში 28 აპრილს დასაქმების ფორუმი გაიმართება. ღონისძიებაში წარმოდგენილი იქნება დამსაქმებელთა ფართო სპექტრი წამყვანი კომპანიებიდან და ორგანიზაციებიდან, რაც სტუდენტებს დამსაქმებლებთან კონტაქტების განვითარებაში დაეხმარება.

აღსანიშნავია, რომ საქართველოს უნივერსიტეტის თანამშრომლების დიდი ნაწილი, უნივერსიტეტის სტუდენტებით და კუსრდამთავრებულებითაა დაკომპლექტებული.