კომპანია „სოკარ ჯორჯია პეტროლეუმი“-ს ინვესტიციებით აშენებული და მისი კუთვნილი განსაკუთრებული დიზაინის მქონე მრავალფუნქციური კომპლექსი ქ. ბათუმში, დასახელდა TED Gallery-ს მომავლის არქიტექტურის 10 საუკეთესო შენობას შორის. კომპლექსი მოიცავს სოკარის ბენზინგასამართ სადგურს, მაკდონალდსის რესტორანს, ბაღს ვერანდაზე და კეთილმოწყობილ ტერიტორიას აუზებით. მომავლის არქიტექტურის საუკეთესო შენობების ათეული შედგენილია არქიტექტორ მარკ კუშნერის მიერ.

TED (Technology, Entertainment and Design - ტექნოლოგიები, გართობა და დიზაინი) გლობალური არამომგებიანი საერთაშორისო გაერთიანებაა (დაარსდა 1984 წელს), რომელიც ავრცელებს თანამედროვე გლობალური იდეების პროპაგანდას მეცნიერების, ბიზნესისა და კულტურის სფეროში, მათ შორის არქიტექტურასა და პროექტირებაში, რისთვისაც ატარებს კონფერენციებს, გამოკითხვებს, გამოსცემს პუბლიკაციებს. ყველაფერი ეს საქმიანობა ემსახურება ერთ მიზანს: გაავრცელოს საუკეთესო კუთხით უდიდესი იდეები მთელს მსოფლიოში.