ბახვი ჰესის სარეაბილიტაციო სამუშაოები დროებით შეწყდა. უკანავას (მთისპირის თემი) მოსახლეობამ ჰესთან მისასვლელი გზა გადაკეტა.

საპროტესტო აქცია, დღეს დილის 9 საათზე დაიწყო. მოსახლეობა სოფელში გზის გაკეთებას ითხოვს, წინააღმდეგ შემთხვევაში, როგორც აქციის მონაწილეები ამბობებ, ჰესის მიმართულებით არ გაატარებენ ტექნიკას და გზას გადაკეტავენ.

ადგილზე მისულ ხელისუფლების წარმომადგენლებს, პრობლემის გადასაჭრელად მოსახლეობამ ერთი კვირის ვადა მისცა. მათი პირობების შეუსრულებლობის შემთხვევაში კი პერმანენტული აქციებით იმუქრებიან.

ადგილზე დღემდე მიმდინარეობდა "ბახვი ჰესი 3"-ის სარეაბილიტაციო სამუშაოები და როგორც დაანონსებული იყო, ის ექსპლუატაციაში აპრილის თვიდან უნდა შესულიყო.

მოსახლეობა აპროტესტებს იმასაც, რომ 2013 წელს ენერგეტიკის მინისტრ, კახი კალაძის მიერ საზეიმო ვითარებაში გახსნილ ჰესს რამდენიმე დღეც არ უფუნქციონირებია და იქ არც ადგილობრივი მოსახლეობაა დასაქმებული.