ბიზნესმენი დავით კოდუა თბილისის მერიის იმ გადაწყვეტილებას აპროტესტებს, რომლის მიხედვით, ჭავჭავაძის ქუჩაზე მდებარე ავტობუსების ერთ-ერთი გაჩერება რამდენიმე მეტრით გადასწიეს.

როგორც კოდუა განმარტავს, ამის გამო ადგილზე მდებარე კომერციული ობიექტების ფუნქციონირება შეფერხდება.

მისი თქმით, გაჩერება სავაჭრო ცენტრში მოსულ მომხმარებელს პარკირებაში ხელს შეუშლის.

„თუ ავტობუსის გაჩერება აქ გადმოვა, შეიძლება მოიჯარეებთან პრობლემა შეიქმნას. ამბობენ, რომ ვიღაც თანამდებობის პირი ცხოვრობდა ამ ადგგილზე და ეს გაჩერება ხელს უშლიდაო. ალბათ მერიის თანამშრომლებზე ზეწოლა მოახდინეს, რომ გაჩერება სხვა ადგილზე გადაეტანათ“, - აცხადებს კოდუა.

ბოლო 5 წელია, გაჩერება ჭავჭავაძის გამზირის 27/29 ნომერთან მდებარეობს. ადგილობრივები განმარტავენ, რომ გადაწყვეტილება წლების წინ დროებით იყო მიღებული.