სურსათის ეროვნულმა სააგენტომ თბილისში, ე.წ. საბურთალოს ბაზრის ტერიტორიაზე საქონლის ხორცის არალეგალური საამქრო გამოავლინა.

სააგენტოს ინფორმაციით, საამქრო ინდმეწარმე მალხაზ ბუხნიკაშვილს ეკუთვნის. ცნობილია, რომ საამქროში საქონლის თავების დამშავება და შემდეგ პროდუქციის გაყინულ ნახევარფაბრიკატებში და ძეხვეულის წარმოებაში გამოყენება ხდებოდა.

სურსათის სააგენტო მოუწოდებს მოსახლეობას, ხორცის შეძენისას ყურადღება მიაქციონ ეტიკეტს და ვარგისიანობის ვადას. ასევე ყურადღებით იყვნენ ხორცის და ხორცპროდუქტების შეძენის და მომზადების პროცესში.

სააგენტო მოუწოდებს ყველას, რომ ხორცი არაორგანიზებული რეალიზაციის პუნქტებში არ შეიძინონ.

სააგენტოში მოქმედებს ცხელი ხაზი: 2 91 91 68, რომელზეც სააგენტოს ინფორმაციით მიიღება ინფორმაცია სურსათის უვნებლობასთან დაკავშირებულ საკითხებზე.