რამ შეაშინა „იმედის“ ჟურნალისტი ნინია ახვლედიანი

საზოგადოება - 12:29, 25 Mar, 2015

4218

„რა მოხდება, რომ „ფეისბუქი„ იყოს მარტო სილაღის, ხალისის, სიყვარულის და პოზიტივის ვირტუალური სამყარო?“ - კითხულობს, სოციალურ ქსელში „გამეფებული“ ნეგატივით შეშინებული იმედის „ჟურნალისტი“ ნინია ახლედიანი და „ფეისბუქის" პირად გვერდზე ვრცელ პოსტს აქვეყნებს.

ნინია ახვლედიანი, ჟურნალისტი, კინოცენტრის პრესსამსახურის ხელმძღვანელი: „გულისამრევია უკვე „ფეისბუქ სიძულვილის" ენაზე (ეს კიდევ ცალკე მოვლენაა) დაწერილი და ამოკითხული ამდენი უარყოფითი ენერგია, ნეგატივი, ირონია, ცინიზმი, შეურაცხყოფა, ლანძღვა-გინება, განსაკუთრებული ქეისია ეს ორმაგსტანდარტობანა: ხან რომ პატივი უნდა სცე სხვის აზრს, ხან რომ შეგიძლია გალანძღო ადამიანი და მიწასთან გაასწორო განსხვავებული აზრის გამო. მე მართლა ვაღიარებ, რომ ხანდახან, არა, ხშირად, თავს ვიკავებ გამოვხატო ჩემი აზრი, იმიტომ რომ მეშინია იმ ტოლერანტობისგან დაცლილი, მოზღვავებული გაბოროტებული ენერგიის, რომელიც ჩვენი საზოგადოების ყველა წრეში ასე დუღს. სამწუხაროდ... რა მოხდებოდა, რომ „ფეისბუქი“ იყოს მარტო სილაღის, ხალისის, სიყვარულის და პოზიტივის ვირტუალური სამყარო?

P. S. არადა როგორი "კლასიკა ჟანრია" უკვე, რომ ერთი ლაიქით ან შეარით იშიფრება ადამიანი“.