ექსკლუზივი: გიორგი ჩიტაური გახმაურებულ სატანისტურ სექტაზე

საზოგადოება - 17:22, 23 Mar, 2015

18328

დუშეთში ახალგაზრდების ბურუსით მოცულ გარდაცვალებასთან დაკავშირებით გაკეთებულმა პოლიტიკოსთა განცხადებებმა დუშეთის მკვიდრი, „ნიჭიერის“ ერთ-ერთი ფინალისტი გიორგი ჩიტაური გააღიზიანა. ,,რეფოტრმატორების“ თქმით "დუშეთში გარდაცვლილი ახალგაზრდები სატანისტურ სექტასთან იყვნენ კავშირში”. გიორგი ჩიტაური ამ განცხადების გამო პოლიტიკოსებისგან ბოდიშის მოხდას მოითხოვს.
გიორგი ჩიტაური: „რაღაც სექტაზეა ისევ გაუთავებელი ლაპარაკი, რასაც ორი ბავშვის გარდაცვალებას უკავშირებენ. ეს არასწორია. ამასთან დაკავშირებით არანაირი ფაქტები არ არსებობს, პოლიტიკოსები კი განცხადებებს ვარაუდით აკეთებენ. ეს იმ ოჯახების შეურაცხყოფაა, რომელთაც ასეთი ტრაგედია დაატყდათ თავს და კიდევ დიდი ტკივილი დაუმატა იმ უპასუხისმგებლო განცხადებებმა.
ჩვენ მოვითხოვთ გამოვიდნენ და საჯაროდ იმ ოჯახების წინაშე მოიხადონ ბოდიში, შესაბამიდსად პროკურატურა და შინაგან საქმეთა სამინისტრო უნდა დაინტერესდეს ამ ფაქტით და დაიწყოს გამოძიება უმოკლეს ვადებში და რეალურად გაარკვიოს და დაადგინოს გამოძიებამ ასეთი სექტა არსებობს თუ არა.

პოლიტიკოსებს კი რომელებმაც ეს განცხადებები გაავრცელეს, თუ მართლა უნდოდათ საქმის გაკეთება, პირველ რიგში პროკურატურისთვის უნდა მიეწოდებინათ ეს ინფორმაცია. მათ კი გაასაჯაროეს და კიდევ ვამბობ ტკივილს ტკივილი დაუმატეს. რადგან პოლიტიკური მიზნები ჰქონდათ. მათ ამ ოჯახების წინაშე ძალიან დიდი დანაშაული ჩაიდინეს. ამიტომ ეს თუ არ დამტკიცდა ამ პოლიტიკოსებმა, კანონის ძალით პასუხი უნდა აგონ.
მე კი სრული პასუხისმგებლობით შემიძლია ვთქვა რომ ასეთი სატანისტური სექტა დუშეთის რაიონში არ არსებობს და ეს ადამიანები არანაირ სექტასთან არ ყოფილან კავშირში. ისევ ვიმეორებ წარმოადგინონ შესაბამისი მტკიცებულებები. დაასაბუთონ.
საერთოდ პოლიტიკოსებს სჩვევიათ ასეთი განცხადებების გაკეთება, რომ წარმოაჩინონ თავიანთი თავი, თითქოს გული შეტკივათ და ქვეყნის მომავალზე მზრუნველები არიან, არადა პირიქით აშავებენ!“