კომპანია „თბილისის მიკროავტობუსი“ მგზავრობის გაძვირებასთან დაკავშირებით სპეციალურ განცხადებას ავრცელებს, სადაც ნათქვამია, რომ ტარიფის გაძვირება არ იგეგმება.

„თბილისის მიკროავტობუსი“ სთხოვს მედიასაშუალებებს ნუ შეიყვანენ მოსახლეობას სიცრუეში და ნუ მოახდენენ დღეს ბეჭდური მედიის ერთერთი საშუალებით გავრცელებული ტყუილის ტირაჟირებას. კომპანია კატეგორიულად აცხადებს რომ მიკროავტობუსით მგზავრობის საფასური არ ძვირდება.

კომპანია „თბილისის მოკროავტობუსი“ ითვალისწინებს მოსახლეობის რთულ სოციალურ მდგომარეობას და უარს ამბობს სამარშუტო ტაქსებით მგზავრობის საფასურის გაძვირებაზე.

ლარის თითქმის 30 % იანი გაუფასურების მიზეზითმოცემული მომსახურების სფერო მძიმე მდგომარეობაში აღმოჩნდა-დოლარში აღებული საბანკო ვალდებულების გამო, კომპანიას ყოველთვიური საბანკო მომსახურების ხარჯი 400 ათასით ლარით გაეზარდა.

შესაბამისად, რომ არ მოხდეს მგზავრობის ტარიფის გაზრდა, კომპანია ,,თბილისის მიკროავტობუსმა’’ მიიღო შემდეგი გადაწყვეტილება:

რამდენიმე ხაზის მიკროავტობუსის მძღოლების ყოველდღიური მოსაკრებელი 12 მარტიდან 3 ლარითგაიზრდება.

დღემდე მძღოლების დღიური შემოსავალი საშუალოდ 40-იდან 80 ლარამდე იყო, საწვავის გაიაფებასთან დაკავშირებით კი მათი ყოველდღიური ხელფასი საშუალოდ 15 ლარით გაიზარდა-ანუ მძღოლების დღიური სარგო საშუალოდ მერყეობს 55-იდან-95 ლარამდე. აღნიშნული დანაზოგიდან სამი ლარის კომპანიისთვის გადახდა წარმოადგენს იმ გამოსავალს, რითაც არ გაიზრდება მგზავრობის საფასური, ასევე გამოსწორდება კომპანიის ფინანასური მდგომარეობა, რაც საბოლოოდ აისახება როგორც მძღოლების კეთილდღეობაზე, ასევე მომსახურების სტანდარტდებისა და მგზავრობის საფასურის შენარჩუნებაზე“, - ნათქვამია განცხადებაში.

გავრცელებული ინფორმაციით, თბილისში საქალაქო მიკროავტობუსების მძღოლებს კომპანია "თბილისის მიკროავტობუსმა" ყოველდღიური გადასახადი გაუზარდა. ამის მთავარ მიზეზად ლარის კურსის ვარდნა სახელდება. დაუდასტურებელი ინფორმაციით, ყოველივე ამას აპრილიდან თბილისში მიკროავტობუსებით მგზავრობის გაძვირება მოჰყვება.