დღეს დაუნის სინდრომის მსოფლიო დღეა. გაერთიანებული ერების ორგანიზაციის ეგიდით 2011 წელს დაარსებულ თარიღს საქართველო უკვე მეოთხედ აღნიშნავს პროგრამით, „მე ვირჩევ თანასწორობას, დაცულ უფლებებს და ოჯახის თანადგომას“.

ამ დღესთან დაკავშირებით საზოგადოების ინფორმირებულობისთვის მსოფლიოს მრავალ ქვეყანაში სხვადასხვა ღონისძიებები იმართება.

საქართველოს ქალაქებში 21 მარტს მხარდამჭერი მსვლელობები და კულტურული ღონისძიებები გაიმართება.

დაუნის სინდრომის მქონე მოზარდების ნახატების და ფოტოების გამოფენას 22 მარტს პრეზიდენტის სასახლე უმასპინძლებს.

გაეროს მონაცემებით, დაუნის სინდრომით იბადება ყოველი 800 ბავშვიდან ერთი.

დაუნის სინდრომის მსოფლიო დღე აღინიშნება საქართველოს პრეზიდენტისა და სხვადასხვა ორგანიზაციების მხარდაჭერით.