რა სირთულეები "ჭამს" და რაში გამოუტყდა აჩიკო სოლოღაშვილი "ნიუპოსტს" ?!

საზოგადოება - 17:20, 20 Mar, 2015

3871

„წამყვანობა და თან ამ სახის პროექტის წაყვანა ძალიან რთულია“ - გამოუტყდა აჩიკო სოლოღაშვილი „ნიუპოსტსს“. ეს „სირთულე“ X ფაქტორის სცენაზე მყოფ ნიჭიერ მსახიობს საერთოდ არ ეტყობა. როგორც ჩანს გამოცდილება და პროფესიონალიზმი მაინც თავისას შვება, თუმცა თავად აი რას ამბობს.

აჩიკო სოლოღაშვი: „როცა ვამბობ რთულია-მეთქი, ვერავის ვაჯერებ. ძალიან მარტივად ჩანს დარბაზიდან და სახლიდან. თითქოს რა უნდა ამას, არაფერი. არადა დარბაზი ხელში უნდა აიყვანო. ნდობა მოიპოვო. ეს არის დიდი საკონცერტო დარბაზი. ეს არ არის თეატრი სადაც მიჩვეული ხარ სცენას, სადაც უფრო შეზღუდული და შეკრულია მაყურებელი, აქ არის ძალიან გაშლილი და რომ გადიხარ სცენა გჭამს თვითონ. ამიტომ არის ძალიან რთული. ერთი შემთხვევითი ჟესტიც კი არ გეპატიება. შეიძლება გაიღიმო და ეს ღიმილი აღიქვან სულ სხვა რაღაცად და სულ სხვა რამეს მიაწერონ.

მე და ია რაღაც ნომერზე ვცეკვავდით ეს ფოტო დაიდო X ფაქტორის გვერდზე და ვიღაცებმა ჩათვალეს რომ ჩვენ კონკურსანტს დავცინოდით. არადა არანაირად არ იყო ეს დაცინვასთან კავშირში. უბრალოდ ჩვენ ჩვენს ფონს ვუკეთებდით ამ სიმღერას. სასაცილოსა და დასაცინს შორის ძალიან დიდი სხვაობაა და მაყურებელს კი შეუძლია მოგაწეროს პირდაპირი მნიშვნელობით რომ დასცინი, ამ დროს ვერ დავცინი, ჩემი პროფესია და ჩემი თავმოყვარეობა არ მაძლევს ამის საშუალებას და უფლებას. ამიტომ ძალიან ძნელია, და ძალიან დიდი პასუხისმგებლობა გმართებს. სულ ოქროს ზღვარია დასაცავი და ამ ოქროს შუალედის დაცვა ძალიან რთულია".