თბილისის მერიის კეთილმოწყობის სამსახურის უფროსი განმარტავს, თუ რატომ შეცვალა ყოფილი ელბაქიძის აღმართზე ქვაფენილი ასფალტის საფარმა.

ავთანდილ სუდაძის თქმით, გამომდინარე იქიდან, რომ ელბაქიძის გამზირზე შეიცვალა კომუნიკაციის მთლიანი ქსელი და აღდგა განაპირა კედელი, ქვაფენილის აყრა გახდა საჭირო.

"ამ სამუშაოების შემდეგ მთლიანად ქვაფენილი ნაკლული გამოვიდა, რის გამოც იგივე სახის არ იქნებოდა, რაც არ უნდა ახალი მოგვეტანა. ამიტომ გადავწყვიტეთ ელბაქიძის აღმართი უფრო მოდიფიცირებული, მდგრადი ასფალტით შეგვეცვალა. უფრო მეტი ბენეფიტი ექნება იქ მცხოვრებლებს და ორგანიზაციებს, რადგან არ იქნება მტვერი და ხმაური“, - განმარტა სუდაძემ.

შეგახსენებთ, მიხეილ ჯავახიშვილის ქუჩაზე, ყოფილი ელბაქიძის აღმართზე საყრდენი კედელი 12 იანვარს ჩამოიშალა. გზის რეაბილიტაცია ორი თვის განმავლობაში მიმდინარეობდა.