20 სტომატოლოგიური კლინიკა დახურეს - ჯანდაცვა სილამაზის და ტატუს სალონებს ამოწმებს

საზოგადოება - 14:03, 18 Mar, 2015

3212

სტომატოლოგიურ დაწესებულებებში მონიტორინგის დასრულების შემდეგ 20-მა კლინიკამ ფუნქციონირება შეწყვიტა. ჯანდაცვის მინისტრის მოადგილემ, ვალერი კვარაცხელიამ განაცხადა, რომ ოცი კლინიკიდან ხუთმა რეკვიზიტები შეიცვალა და საქმიანობას განაგრძობს. კვარაცხელიას თქმით, ვერ მოხერხდა ოთხი კლინიკის შემოწმება, რომლებიც მონიტორინგის დროს დაკეტილი იყო.

"შემოწმება საკონსულტაციო ხასიათის ატარებდა და სპეციალური კითხვარით მიმდინარეობდა. ჩვენი თვითმიზანი კლინიკების დახურვა არ იყო. ჩვენ გვსურს კლინიკებში ინფექციის კონტროლის ამაღლება. მონიტორინგის პრინციპმა გაამართლა, კლინიკებში ამაღლდა კონტროლი. შეიძლება ითქვას, რომ დეფიციტია იმ აპარატურის, რომელიც სტერილიზაციისთვის არის განკუთვნილი. სტომატოლოგიურმა კლინიკებმა აქტიურად დაიწყეს ამაზე ყურადღების მიქცევა. რაც წარმატებაზე მიანიშნებს", - განაცხადა ვალერი კვარაცხელიამ.

ჯანდაცვის მინისტრის მოადგილის თქმით, საქართველოში დაახლოებით 1700 რეგისტრირებული სტომატოლოგიური კლინიკაა, შესამოწმებელი დარჩა კახეთის და ქართლის რეგიონები.

ჯანდაცვის სამინისტრო ასევე მუშაობს სილამაზის და ტატუს სალონების შესამოწმებლად.