უკრაინულ მედიაში გავრცელებული ინფორმაციით, ქართველი მსახიობი და მომღერალი, ვახტანგ კიკაბიძე, არ გამორიცხავს უკრაინას პოლიტიკური თავშესაფრის მოთხოვნით მიმართოს. როგორც უკრაინული მედია წერს, მომღერალმა ამის შესახებ კიევში გამართულ პრესკონფერენციაზე განაცხადა.

„გუშინ ჩემს ცოლს ვუთხარი, მოდი პოლიტიკური თავშესაფარი მოვითხოვოთ. კარგი - მიპასუხა მან“ - განაცხადა კიკაბიძემ“ - წერს გამოცემა.

შეგახსენებთ, ვახტანგ კიკაბიძემ უკრაინის ქალაქებში საკონცერტო ტურნე დაიწყო. საკონცერტო პროგრამის „ჩემი წლები - ჩემი სიმდიდრეას“ ფარგლებში გამართული პირველი კონცერტი, მომღერალმა მაიდანზე დაღუპულ „ზეციური ასეულის“ ხსოვნას მიუძღვნა.