მედიკამენტებზე ანოტაციის ქართული დატანა შესაძლოა, სავალდებულო გახდეს.

თბილისის საკრებულოს იურიდიული კომისიის თავმჯდომარის თედო კობახიძის ინფორმაციით, კანონპროექტზე მუშაობა უკვე მიმდინარეობს.

მისი თქმით, ამის საჭიროება იმ რისკფაქტორებმა განაპირობა, რომელიც მედიკამენტის ქართულენოვანი ანოტაციის გარეშე რეალიზაცია შეიძლება მოჰყვეს.

„დღეის მდგომარეობით მომხმარებელს არ აქვს შესაძლებობა, სახელმწიფო ენაზე გაეცნოს ფარმაცევტული პროდუქციის ისეთ ძირითად მახასიათებლებს, როგორიცაა სხვა ფარმაცევტულ პროდუქტთან ურთიერთქმედება, მიღების წესი, დოზირება და ასე შემდეგ. კანონპროექტის შემუშავების ვალდებულებას ევროკავშირისა და ევროპარლამენტის დირექტივები ითვალისწინებს, რომელთა მიხედვითაც, წამალს უნდა ერთვოდეს ეროვნულ ენაზე წამლის ანოტაცია“, - განაცხადა კობახიძემ.