სეს-მა პირუტყვის ვაქცინაცია და რეგისტრაცია ჟურნალისტებთან ერთად განახორციელა

საზოგადოება - 21:49, 12 Mar, 2015

1137

სურსათის ეროვნულმა სააგენტომ მომხმარებელთა ინტერესების დასაცავად მსხვილფეხა და წვრილფეხა პირუტყვის ვაქცინაციისა და მსხვილფეხა საქონლის რეგისტრაციის სახელმწიფო პროგრამა დაიწყო.
ამ საკითხისადმი მედიისა და საზოგადოების დიდი ინტერესის გამო, სურსათის ეროვნულ სააგენტოში, დღეს მედიასემინარი გამართა, რომელზეც ჟურნალისტებს სახელმწიფო პროგრამის დეტალები გააცნეს.
სემინარი სურსათის ეროვნული სააგენტოს უფროსის მოადგილემ თენგიზ კალანდაძემ გახსნა, რომელმაც ისაუბრა საქართველოს სოფლის მეურნეობის განვითარების სტრატეგიაზე 2015-2020 წლების განმავლობაში და ამ სტრატეგიის პროგრამაზე - „სურსათის/ცხოველის საკვების უვნებლობის სახელმწიფო კონტროლი“, მის მნიშვნელობაზე, მიზნებსა და სამომავლო გეგმებზე ამ მიმართულებით.
სურსათის ეროვნული სააგენტოს წარმომადგენელმა, ცხოველთა განსაკუთრებით საშიში ინფექციური დაავადებების ზედამხედველობის სამმართველოს უფროსმა ლაშა ავალიანმა ჟურნალისტებს პრეზენტაცია „ეპიზოოტიური კეთილსაიმედოობა და ცხოველთა იდენტიფიკაცია - რეგისტრაცია“ წარუდგინა და დაწვრილებით ესაუბრა ამ თემაზე. სემინარის დასასრულს მოეწყო მედიატური ლისის ტბის მიმდებარე ტერიტორიაზე, სადაც ჟურნალისტებს საშუალება მიეცათ დაკვირვებოდნენ მსხვილფეხა საქონლის რეგისტრაციისა და წვრილფეხა პირუტყვის ვაქცინაციის პროცესს.