მაია დარსმელიძე „დაკონსერვებული“ ნიჭიერების შესახებ

საზოგადოება - 17:43, 12 Mar, 2015

1322

„რამდენი კარგი მუსიკოსი გვყავს, და რამდენი კარგი მომღერალი აღმოვაჩინეთ სხვადასხვა მუსიკალური პროექტის მეშვეობით. და ამ დროს ეს კარგი, ჩვენსმიერ აღმოჩენილი ტიპები, პროექტის დასრულებისთანავე კვდებიან დეპრესიით, რომ არსად აქვს მათ აღმოჩენას ლოგიკური გაგრძელება“- წერს მუსიკოსი მაია დარსმელიძე და მუსიკოსთა „გადარჩენის“ გზას ეძებს. „ფეისბუქის“ პირად გვერდზე განთავსებულ პოსტში მათ მხარდასაჭერად მოფიქრებულ და ერთ-ერთი ტელევიზიის მიერ „დაწუნებულ“ პროექტზეც საუბრობს.
მაია დარსმელიძე: „რისთვის აღმოვაჩინეთ? რომ გვეთქვა "უი, რა კარგი ხარ, და ეხლა ისევ დაჯექი სახლში, მაგრამ იცოდე რომ კარგი ხარ???"
ამას არ ჯობია, საერთოდ არავინ უთხრას რომ კარგები არიან და არ გაუმძაფრდეთ უსამართლობის შეგრძნება??
დღეს ყველაზე დიდი მხარდაჭერა ("სტრანნად" და რატომღაც) ისევ "არააგრესიული" და მაქსიმალურად რბილი ვიქნები - მხოლოდ რესტორნის მუსიკას აქვს.
ხოდაააააა....
ამ კარგი "ერთჯერადად" აღმოჩენილი მუსიკოსებისთვის და ზოგადად კარგი მუსიკოსების მხარდასაჭერად მქონდა მოფიქრებული ძალიან საინტერესო პროექტი. მივმართე ერთერთ არხს, რომ დროა ამ კარგ ადამიანებს დავუდგეთ გვერდით. რომ ქართველი მსმენელის გემოვნების ამაღლებაზე თუ არა, არჩევანის ქონის უფლებაზე მაინც ვიფიქროთ...
რაზეც მიპასუხეს, რომ ჯერჯერობით ახალი არაფერი გაკეთდებაო. მოკლედ, ძალიან თავაზიანი და ღიმილიანი უარი მითხრეს
მოგვიანებით გავარკვიე, რომ ის, ვისაც მივმართე, სწორედ მაგ "რესტორნის" ჟანრის წარმომადგენლების მეგობარია. )))))) თქვენ კი, ვისაც ნორმალური მომღერლის/მუსიკოსის ამბიცია გაქვთ, ტყუილად ნერვებს ნუ იხევთ და მზად იყავით, რომ უმოქმედობისგან დეპრესიით მოკვდებით ან, რბილად რომ ვთქვათ, ჟანრის "კომპრომისის" პირობებზე უნდა დაფიქრდეთ“ .