ფინანსთა მინისტრის ნოდარ ხადურის ინფორმაციით, ქამრების შემოჭერის პოლიტიკა 2006 წელსაც გაგრძელდება.

ამის შესახებ ნოდარ ხადურმა პარლამენტში დარგობრივი ეკონომიკის კომიტეტის სხდომაზე სიტყვით გამოსვლისას განაცხადა.

„მომავალი წლის ბიუჯეტის პროექტზე მუშაობის დროს კვლავ გამოყენებული იქნება პარამეტრები, რომელიც ადმინისტრაციული ხარჯების შემცირებას გულისხმობს. ბიუჯეტის დეფიციტური ზღვრული მაჩვენებლის შენარჩუნებისთვის აუცილებელია სახელმწიფო ხარჯების შემცირება. მთავრობის მხრიდან საბიუჯეტო ორგანიზაციებს აღნიშნულთან დაკავშირებით ფინანსთა სამინისტროსთვის საჭირო ინფორმაციის წარდგენა დაევალათ არაუგვიანეს 16 მარტისა. მთავრობამ ანალოგიური შეზღუდვების დაწესების თხოვნით მიმართა ყველა სტრუქტურას, რომელიც აღმასრულებელი ხელისუფლების დაქვემდებარებაში არ შედის“, - განაცხადა ხადურმა.