ხვალ თბილისის რამდენიმე უბანს დროებით წყლის მიწოდება შეუწყდება

საზოგადოება - 14:04, 12 Mar, 2015

8200

„ჯორჯიან უოთერ ენდ ფაუერი“, ხვალ გამთენიიდან, ღრმაღელის სათავე ნაგებობის მიმდებარედ, გადაუდებელ ტექნიკურ სამუშაოებს განახორციელებს კომპანია „ჯორჯიან უოთერ ენდ ფაუერი“ ხვალ გამთენიიდან, ღრმაღელის სათავე ნაგებობის მიმდებარედ, გადაუდებელ ტექნიკურ სამუშაოებს განახორციელებს. კერძოდ, ავარიულად დაზიანდა ღრმაღელის სათავე ნაგებობიდან გამომავალი 1400 მმ-იანი გვირაბული წყალდენის ვაზისუბნის მონაკვეთი, რაც კომპანიის მხრიდან დაუყოვნებელ რეაგირებას მოითხოვს. ამ ეტაპზე, „ჯორჯიან უოთერ ენდ ფაუერი“ მოსამზადებელ სამუშაოებს ატარებს, ძირითად სამუშაოებზე გადასვლის წინ კი, წყალსადენის მაგისტრალური ქსელების წყლისგან დაცლას გახდება აუცილებელი.

გვირაბული წყალდენზე გადაუდებელი სამუშაოების განსახორციელებლად, ხვალ, 13 მარტის გამთენიის 06:00 საათიდან, 14 მარტის დილის 08:00 საათამდე წყალმომარაგება შეუწყდება:

ივერთუბნის, ლოტკინის, კუკიის, სვანეთის უბნის, ელია-არსენალის, მეტრომშენის, ნავთლუღის და ვაზისუბნის დასახლებებს, ასევე, ავლაბრის ნაწილს.

დროის აღნიშნულ მონაკვეთში წყალს დაბალი წნევით მიიღებს:

·მოსკოვის გამზირი და მისი მიმდებარე ქუჩები.

„ჯორჯიან უოთერ ენდ ფაუერი“ შეეცდება სამუშაოების ჩატარება შესაძლებლად მოკლე დროში დაასრულოს. წყალმომარაგება აღდგება 14 მარტის დილის 08:00 საათიდან, ეტაპობრივად, სამუშაოების დასრულებისთანავე.

წყალმომარაგების შეწყვეტის თაობაზე დეტალური ინფორმაციის მოძიებას თბილისელები შეძლებენ „ჯორჯიან უოთერ ენდ ფაუერის“ ოფიციალურ Facebook-გვერდზე და ვებგვერდზე - http://www.georgianwater.com/ka/gadaudebeli/1685-tbilisis-zogiert-quchas-tskhalmomarageba-sheezghudeba

ასევე, ნებისმიერ მომხმარებელს შეუძლია მიმართოს კომპანიის ცხელ ხაზს ( 2 93 11 11 ).