"ენგურჰესი" შესაძლოა გაჩერდეს

"ენგურჰესი" შესაძლოა გაჩერდეს - კახი კალაძე

ბიზნესი & ეკონომიკა - 12:57, 12 Mar, 2015

5478

ენერგეტიკის მინისტრის კახი კალაძის განცხადებით, ვარდნილის ჰიდროელექტროსადგურებზე არხის გაწმენდითი სამუშაოები მიმდინარეობს, 2016 წლისთვის კი გვირაბის მასშტაბური რეაბილიტაცია იგეგმება, რის გამოც "ენგურჰესი" გაჩერდება.

ამის შესახებ კალაძემ ჟურნალისტებთან, მთავრობის სხდომის დაასრულების შემდეგ განაცხადა.

ენერგეტიკის მინისტრმა აფხაზეთის ოკუპირებულ ტერიტორიაზე მისი ვიზიტის შესახებაც ისაუბრა და აღნიშნა, რომ ენერგეტიკული მიმართულებით აფხაზური და ქართული მხარე ერთმანეთთან კარგად თანამშრომლობს.

მისი თქმით, აფხაზურ მხარესთან შეხვედრა 6 მარტს გაიმართა, რა დროსაც ქართულმა მხარემ ვარდნილის ჰიდროელექტროსადგურზე მიმდინარე სამუშაოები დაათვალიერა.

„უკვე რამდენი წელია დამყარებულია კარგი ურთიერთობა, ეს ახლაც გრძელდება და მომავალშიც გაგრძელდება. ვარდნილის ჰიდროელექტროსადგურებზე არხის გაწმენდითი სამუშაოები მიმდინარეობს. ჩვენ დავათავლიერეთ აგრეგატები. იცით, რომ ენგურის აგრეგატები არის განთავსებული საბერიოში. დასრულებულია სარეაბილატიო სამუშაოები, 2016 წლისთვის გვირაბის რეაბილიტაცია იგეგმება. ძალიან მასშტაბური სამუშაოები იქნება ჩასატარებელი, რის გამოც აუცილებელი იქნება ჰიდროელექტროსადგურის გაჩერება რამდენიმე თვით", - განაცხადა კახა კალაძემ.

რაც შეეხება კითხვას, თუ საიდან მიეწოდება აფხაზეთს ელექტროენერგია „ენგურჰესის“ გაჩერების შემთხვევაში, მინისტრი პასუხობს: „საქართველოს ხელისუფლება იღებს პასუხისმგებლობას, ელექტროენერგიით მოარაგოს ოკუპირებული აფხაზეთის ტერიტორიებზე მცხოვრები ადამიანები“.

ნინო დათაშვილი