„ჩემი ცოლის დაქალების“ ახალი გმირი პირადი ცხოვრებით

საზოგადოება - 17:52, 11 Mar, 2015

11979

მსახიობმა ლაშა ჯუხარაშვილმა ჯვარი ქეთევან ჩხეიძეზე დაიწერა. მსახიობს ჯვარი ბაბუამ მაცხოვრის შობის ტაძარში 14 თებერვალს დაწერა. წყვილი უკვე შვილსაც ელოდება.
ლაშამ ჩვენი ინტერვიუს დღეს, 4 მარტს, გაიგო, რომ ბიჭს ელოდება და შოკში იყო. „გაუგებარ ემოციებში ვარ, აზრზე ვერ მოვსულვარ. სიტყვებით ვერ გადმოვცემ რა ემოცია დამეუფლა“.
ლაშა ცნობილი გახდა სერიალით „გოგონა გარეუბნიდან – მედიარი“. გასულ პარასკევს კი მსახიობი „ჩემი ცოლის დაქალებში“ გამოჩნდა. ბერლინიდან ჩამოსული დიდი ფულის მქონე ნიკუშა სერიალის გადაღებას აპირებს. ლიკოს და ნატაშკას უახლოვდება. დანარჩენი სერიალში…
ლაშა ჯუხარაშვილი: ჩემს გმირს ნიკუშას ასაკით უფროსი ცოლი დაეღუპა და დაუტოვა ქონება. იცით, როგორი ტიპია – ყველაფერი ფეხებზე ჰკიდია. გიო ლიფონავასთან მუშაობა საინტერესოდ მიმაჩნია, ბევრი კარგი მსახიობი თამაშობს სერიალში. მეც დავინტერესდი შემოთავაზებით. სინჯი გავიარე და მეორე დღეს დამირეკეს.
ამასობაში ლაშა რუსთაველის თეატრის მსახიობი გახდა. გოშა გოშაძის ორ სპექტაკლში თამაშობს – „სტუმარ-მასპინძელი“ და „მიზანთროპი“. მსახიობი რობერტ სტურუას „ნადირობის სეზონშიც“ დაკავებულია.
ქეთი და ლაშა ნოემბრიდან ერთად არიან. ერთმანეთი კი სამი წლის წინ ეგვიპტეში გაიცნეს. მსახიობმა უცხო გოგონას თვალი თბილისის აეროპორტში დაადგა. ბედად გოგონა მის სასტუმროში აღმოჩნდა. იმ ცხელ ეგვიპტურ ათ დღეში იყო მსუბუქი ფლირტი, გაპრანჭვა. მერე ურთიერთობა თბილისში გაგრძელდა და სამი წელი გაგრძელდა. „არ მიაქტიურია, არ ვარ ეგეთი ტიპი. თავისთავად მოხდა, ლამაზად აეწყო. ამიტომაც არის მოსაფრთხილებელი ეს სიყვარული. თავისთავად განვითარდა. მე ეგვიპტეში დასასვენებლად წავედი, რომანის გასაბმელად არ წავსულვარ. თუმცა ასე მოხდა და დღეს ქეთევანი ჩემი უსაყვარლესი მეუღლეა“.
ქეთი სტომატოლოგიური ასოციაციის წევრია. წყვილის ურთიერთობა თავიდან მეგობრობით დაიწყო. სამ თვეში ლაშა სიყვარულში გამოუტყდა. გოგონა დაიბნა, რადგანაც „მეგობრული ეჭირათ“.
„იყო კონფლიქტი, სიურპრიზი, მონატრება – ყველაფერი, რასაც სიყვარული შეიცავს. ასე ნელ-ნელა იზრდებოდა გრძნობა.– ბევრს არ წერს ბაბუა ჯვარს, გვითხარი შენი ემოციები.– ძალიან ემოციური იყო ჩემთვისაც, ბაბუასთვისაც და ქეთისთვის. ჯვრისწერის მომენტში განსხვავებული გრძნობა დამეუფლა, მით უმეტეს, ბაბუა რომ დაგწერს ჯვარს. ეს ბევრმა არ იცის. მის რჩევას ვითვალისწინებთ – გაუფრთხილდით და დაუთმეთ ერთმანეთსო. ასე მოქცევას ყველას ვურჩევდი. ეს წყვილებს აკლიათ. თითქოს მარტივია, მაგრამ ჩვენ ვართულებთ ადამიანები. მე და ქეთევანი ამ რჩევით გაჯერებული ვართ.– რითი შეგცვალა გრძნობამ?– ზარმაცი ვიყავი და ძალიან შევიცვალე. კონკრეტულად ვერ ვხსნი როგორი, მაგრამ გავხდი უფრო კარგი, ვიდრე მანამდე ვიყავი. ოჯახის, მეგობრების და საქმის მიმართ სულ სხვა დამოკიდებულება მაქვს.– და რომ გაიგე მამა ხდები..?– ამაზე სხვებს ვეღადავებოდი ხოლმე, რა მოხდა მამა ხდები, რას პანიკობ-მეთქი? თურმე საპანიკოა. სუპერმეუღლე მყავს, წყნარი და მშვიდია. ორსულობის დროს პანიკაში არ ჩავარდნილა. ასჯერ უკეთესი ხასიათი აქვს და არ მაწვალებს. მეც მეტ ყურადღებას ვუთმობ. ჯერჯერობით ჭკვიანად ვიქცევი. ცოლს არ ვეძახი, ჩემი მეუღლეა. ერთ უღელში ვართ და კარგი თანაცხოვრებაც გამოგვდის.