რატომ მოუშვა გიორგი გაბუნიამ წვერი და აპირებს თუ არა აკაკი წერეთლის იმიჯის მორგებას

საზოგადოება - 11:49, 11 Mar, 2015

4337

პოპულარული ტელეწამყვანის იმიჯის ცვლილება საყოველთაო ყურადღების ცენტრში მოექცა. რუსთავი 2-ის პოლიტიკური თოქ-შოუ „არჩევანი“-ს წამყვანი გიორგი გაბუნია, უკვე რამდენიმე გადაცემაა მაყურებლის წინაშე ახალი იმიჯით- წვერით ჩნდება.

გიორგი გაბუნიამ იმიჯის ცვლილების მიზეზებზე ჟურნალისტებთან ისაუბრა და განაცხადა, რომ მიუხედავად გადაცემის პროდიუსერების წინააღმდეგობისა მას თავისი ახალი საეთერო იმიჯი მოსწონს და ჯერჯერობით რაიმე ცვლილებას არ აპირებს:

„დიდი ხანია მინდოდა, ეთერში როცა არ ვიყავი სულ ასე დავდიოდი წვერიანი და ეთერისთვის ვიპარსავდი ხოლმე. ეს იმიჯი დღესაც ბევრისთვის მიუღებელია და კურიერის პროდიუსერების მეუბნებიან: ღერა-ღერა დაგაცლით მაგ წვერს თუ არ გაიპარსავო, მაგრამ იმდენი ღერი მაქვს ვერ მოასწრებენ, მე ჩემი ნებით არ ვიპარსავ და იმათაც ეზარებათ.

გაბუნიას თქმით, მას იმიჯის ცვლილება გადაცემის პროდიუსერებთან არ შეუთანხმებია:

„აღმომაჩინეს, რომ ეთერში ასე შევდიოდი და დროც არ იყო რომ რამე შეეცვალათ, რამდენიმე წუთი იყო დარჩენილი“

კითხვაზე, რა ზომამდე აპირებს წვერის გაზრდას ტელეწამყვანმა უპასუხა, რომ არ აპირებს აკაკი წერეთლის იმიჯი მოირგოს.

_{ნინო ზედგენიძე}