მიეწოდებათ თუ არა ხარისხიანი საკვები საბავშვო ბაღებს და რამ გამოიწვია ბავშვების მოწამვლა

საზოგადოება - 21:59, 10 Mar, 2015

2587

არასამთავრობო ორგანიზაცია „ანტიკორუფციული კავშირის“ თავმჯდომარის გიორგი ბურჯანაძის განცხადებით, გლდანში 123-ე ბაღში ბავშვები უხარისხო ხორც-პროდუქტების გამო მოიწამლნენ.
ინფორმაციის გავრცელების შემდეგ 123--ე ბაგა ბაღებში მონიტორინგი განხორციელება გახდა საჭირო.

არასამთავრობო ორგანიზაციის ბრალდებას საგანგებო განცხადებით უპასუხეს თბილისის ბაგა-ბაღების მართვის სააგენტოში.

უწყებაში ბურჯანაძის ბრალდებებს მცდარს უწოდებენ და აცხადებენ, რომ პროდუქცია ელექტრონულ შემოწმებას გადის, რის შემდეგაც შესააბმისი დოკუმენტაცით საბავშვო ბაღებს ეგზავნება.

„კონკრეტულად მინდა გითხრათ 123-ე ბაგა ბაღზე, რომელზეც იყო აქცენტი გაკეთებული. ბაგა-ბაღის დირექტორის მიერ გამოძახებული იქნა სურსათის ეროვნული სააგენტოს ცხელი ხაზის ჯგუფი, მონიტორინგის ჯგუფი მივიდა ადგილზე, შეისწავლა საკითხი და გავრცელებული ინფორმცია არ დადასტურდა,“- განაცხადა ბაგა ბაღების მართვის სააგენტოს თავმჯდომარემ თემურ თოლორდავამ.

სურსათის ეროვნული სააგენტოს ინფორმაციით, უკვე შემოწმებულია 353 ბაგა ბაღი, მუნიციპალური ბაღების შემოწმების შემდეგ კი კერძო ბაღების ინსპექტირება დაიწყება.

ლაშა ჯაფარიძე