ფოთში ექსმინისტრის ბაჩო ახალაიას წიგნის პრეზენტაცია ხმაურის ფონზე მიმდინარეობდა.

პრეზენტაციას „ნაციონალური მოძრაობის“ ლიდერები და ახლაიას ოჯახის წევრები ესწრებოდნენ. ურთიერთშელაპარაკება „ნაციონალური მოძრაობის“ წევრებსა და „ქართული ოცნების“ მომხრეებს შორის მოხდა.

როგორც ორგანიზატორები ამბობენ, პრეზენტაცია ფოლკლორის ცენტრის დარბაზში უნდა გამართულიყო, თუმცა ღონისძიების დაწყებამდე რამდენიმე წუთით ადრე მათ ცენტრისგან უარი მიიღეს.

ფლოკლორის ცენტრში კი ამბობდნენ, რომ მათთვის ოფიციალური წერილით არავის მიუმართავს.

ადგილზე სიტუაციის განმუხტვას საპატრულო პოლიცია ცდილობდა.