,,დიდი წმენდა“: შაქრო კალაშოვმა 12 პირი ,,არაქურდად“ დატოვა

საზოგადოება - 16:08, 07 Mar, 2015

29943

ცნობილი ხდება, რომ ე.წ. ქურდულ სამყაროში დიდი დაპირისპირება მწიფდება. ე.წ. კანონიერ ქურდებს ,,სტატუსი“ შეუჩერეს. ამ ყველაფრის სულისჩამდგმელი კი კრიმინალური ავტორიტეტი შაქრო კალაშოვი (მალადოი) და მის გარემოცვაში მყოფი სხვა გავლენიანი ქურდები, მათ შორის ოზმანოვების კლანია.

მოსკოვში ე.წ. ,,სხოდკაზე“ მიმღებული გადაწყვეტილებით, 12 ადამიანს ქურუდული ტიტული შეუჩერეს. მათი უმრავლესობა სამუდამოდ, აღდგენის გარეშე, დაემშვიდობა ,,ქურდულ სტატუსს“, ხოლო ზოგიერთი მათგანი, როგორც გაირკვა, არასოდეს ყოფილი ,,ტიტულის“ მატარებელი, რაც მათ ,,სამაზვანეცობაში“ ჩაუთვალეს. მხოლოდ რამოდენიმეს აქვს შანსი დაიბრუნოს ,,კანონიერი ქურდის“ სტატუსი.

მნიშვნელოვანია ის, რომ ამ გადაწყვეტილებით ფაქტორბივად მოხდა დედ ჰასანის დროინდელი არასწორი ქმედებების აღიარება, რომელიც პირდაპირ იყო დაკავშირებული ,,ქურდად მონათვლის“ ,,არასწორ“ გადაწყვეტილებების მიღებასთან. შაქრო კალაშოვმა ამით, დედ ჰასანის კლანში გაურკვეველი გზით შეპარული ,,ვირთხების“ წმენდა დაიწყო.

ვინ არიან ისინი, ვინც ,,პრაშლიაკებში“ აღმოჩნდნენ: კალაშოვის მიერ არაქურდად დატოვებული საშა კუშნერი, გილან სედოი, შამილი და არმენ ხოხოლი, ქურდულ ტიტულს ასლან უსოიანის სიცოცხლეში ფლობდნენ. როცა არმენს კითხეს, თუ ვინ დარჩა ცოცხალი, ვინც მისი საკითხი ,,მოაგვარა“, აღმოჩნდა, რომ მის მიერ დასახელებული ავტორიტეტები, მას საერთოდ არ იცნობდნენ. რაც შეეხება ოლეგ ცირკაჩს, მან საკუთარი სახელის დაცვა ქურდული წესით შეძლო.

ყველაზე კურიოზული კი ნიკა გაგრინსკის შემთხვევა იყო, რომელიც საკუთარ თავზე აცხადებდა, რომ ის ჯერ კიდევ დედ ჰასანის დროს 2012 წლიდან ატარებდა ,,ქრუდის ტიტულს“. როგორც აღმოჩნდა, დედ ჰასანის სიკვდილის შემდეგ, მასზე პასუხისმგებლობას არავის იღებდა. გაგრინსკის ის ხალხიც კი განუდგა, რომელიც ცოტა ხნის წინ მას საკუთარი ინტერესებისთვსი იყენებდა.

შაქრო კალაშოვის ,,დიდი ქურდული წმენდა“ შეეხოთ გისოსებს მიღმა მყოფ კრიმინალურ ავტორიტეტებსაც, მათ შორის არიან ლექსო გალსკი, ბესო რუსტავსკი, არტიომ ლიეცკი და შარაპი. ეს ოთხეულიც ე.წ. ,,პრაშლიაკებში“ აღმოჩნდნენ.

წმენდის ბოლო აკორდი აზრბაიჯანული კლანი იყო. გული და მისი უმცროსი ძმა ნამიკი, ასევე მათ მიერ ერთობლივად ,,მონათლული“ რაფეტი და ჯეიჰუნი. როგორ ამბობენ, ნამიკის საკითხი საბოლოოდ არ არის დახურული.