მთავრობის კანცელარიასთან აბაშიძე-კარასინის ფორმატის გაუქმების მოთხოვნით არასამთავრობო ორგანიზაციები აქციას მართავენ.

მესამე სექტორის წარმომადგენლების ამბობენ, რომ ეს ფორმატი რისკების შემცველია ქვეყნისთვის და ჟენევის ფორმატის უპირატესობაზე საუბრობენ.

„ჩვენი ხალხი ერთმნიშვნელოვნად მოითხოვს საბჭოთა დიპლომატის გადადგომას და ამ ქვეყნის ძირგამომთხმელი დიალოგისის ფორმატის გაუქმებას. მოვითხოვთ დიალოგის შეწყვეტას, რომელმაც აბაშიძეს ამ ერთპიროვნულ გამყიდველს, ქინძის, კამის და ოხრახუშის ფასად გააყიდინა ჩვენი ხალხი“, - განაცხადა აქციის ერთ-ერთმა ორგანიზატორმა ,,დემოკრატიული განვითარების ეროვნული ცენტრის" ხელმძღვანელმა მუხრუნა ბურჭულაძემ.

აქციას პოლიტიკოსებიც უერთდებიან. მთავრობის კანცელარიასთან საკრებულოს ფრაქცია „ნაციონალური მოძრაობის“ თავმჯდომარე სევდია უგრეხელიძე იმყოფება.

„ვუერთდები აქციას, რადგან ყველამ დაინახა, რომ აბაშიძე-კარასინის სეპარატული მოლაპარაკებები მავნეა ქვეყნისთვის“, - განაცხადა სევდია უგრეხელიძემ.

მთავრობის კანდელარიასთან საპატრულო პოლიციაა მობილიზებული. როგორც ცნობილია, აქცია ერთ საათზე მეტ ხანს გაგრძელდება.