სამეგრელოში თხილის სარეალიზაციო ფასი შემცირდა. თუ თებერვალში ერთი კილოგრამი თხილი 12 ლარი ღირდა, ამ დროისთვის ფასი რამდენიმე ლარით არის შემცირებული.

თუმცა, სოფლის მეურნეობის სამინისტროს ინფორმაციით, სტაბილურად მაღალია თხილის საექსპორტო ღირებულება. მათივე ინფორმაციით, გაზრდილია ექსპორტის მოცულობაც.

ცნობილია, რომ იანვარ-თებერვალში ქვეყნიდან 40 მილიონი დოლარის ღირებულების თხილი გავიდა, 2014 წელს კი ექსპორტის მაჩვენებელმა რეკორდულ მაჩვენებელს მიაღწია და 183 მილიონი დოლარი შეადგინა. თხილი ძირითადა იტალიაში, გერმანიაში, ესპანეთსა და სლოვაკეთში გადის.

„ბოლო ორი წლის განმავლობაში ფასი იყო უჩვეულოდ მაღალი, რაც განპირობებული იყო იმით, რომ ჩვენს კონკურენტ ქვეყნებში თხილის მოსავალი შედარებით ნაკლები იყო. მიუხედავად ფასის მერყეობისა, შემცირებული ფასის პირობებში თხილი საინტერესო საწარმო პროდუქტად რჩება“, - ამბობს სოფლის მეურნეობის მინისტრის მოადგილე ლევან დავითაშვილი.