ექსკლუზივი: "ერის გადასარჩენად" ჯაჯანიძე მთავრობას მიმართავს

საზოგადოება - 17:10, 06 Mar, 2015

8226

გია ჯაჯანიძის „სხვა რაკურსმა“ შეიძლება ითქვას რომ ყველანაირი რეიტინგი მოხსნა. გუშინდელი გადაცემის შემდეგ ყველგან და ყველა ამ შოუზე ლაპარაკობს. განიხილავენ მოწვეულ სტუმრებს და არა თემას.

საუბრობენ დაუსრულებლად - სოციალურ ქსელში, ტრანსპორტში, მაღაზიაში, ქუჩაში ... და სტუმრებთან ერთად წამყვანსაც განიკითხავენ... გია ჯაჯანიძეს ქართულ მენტალიტეტზე სასაუბროდ მოწვეულ სტუმრები ვერ აპატიეს.
მაყურებლის მთავარი პრეტენზია ამგვარია - უნდა მოგეწვიათ ისეთი პირები, რომლებიც ღირსეულები იქნებოდნენ რომ ამ თემ,აზე ელაპარაკათ.
ამ გამოხმაურების ფონზე „ნიუპოსტი“ გია ჯაჯანიძის გუნება- გონწყობილებითა და რეაქციით დაინტერესდა. „არ ვკითხულობ კომენტარებს, თავს ვუფრთხილდები“ - განაცხადა ხმაურიანი თოქ-შოუს წამყვანმა.

გია ჯაჯანიძე: ქართულ მენტალიტეტზე უფლება აქვს ყველამ ილაპარაკოს. ვინ დაადგინა ვინ არ უნდა ილაპარაკოს და ვინ უნდა ილაპარაკოს? საზოგადოებამ უნდა ნახოს ყველა ფენა, როგორ მსჯელობს და როგორ ესმის ქართული მენტალიტეტი. აქედან გამომდინარე მართლა საინტერესოა იგივე ეკა ყურშიტაშვილი, მულატკა, მერსი, თაკო ვაშალომიძე.... მე საზოგადოებას ვაჩვენე ვინ როგორ აზროვნებს.
ერთი გადაცემა კი არ მექნება, კიდევ მექნება გადაცემები, სადაც ისევ ვისაუბრებთ ქართულ მენტალობაზე.
ჩემი გადაცემა არ არის გასართობი გადაცემა. ჩემს გადაცემაში არის ის ტრაგედიები აღწერილი რაც ხდება საქართველოში. უნდა ნახოს საზოგადოებამ, სად ვცხოვრობთ, რაში ვცხოვრობთ და როდესაც ამბობენ მატერიალურად ასე გვიჭირს და თქვენ რას აჩვენებთო, არ არის სწორი, მატერიალური გაჭირვება ჯობია დუხჭირ აზროვნებას და იმას თუ რაშიც ვცხოვრობთ.

-ანუ ამბობთ, რომ შენს გადაცემას სარგებელი მოაქვს მაყურებლებისთვის?

-სარგებელი მოაქვს იმ კუთხით, რომ მე მთავრობას ვაჩვენებ თუ რა ხდება საქართველოში. დიდი სურვილი მაქვს, მთავრობაში შედგეს ჯგუფი, რომელიც იქნება დაკომპლექტებული სერიოზული პროფესიოანალებით, შეისწავლონ ერის ფსიქოლოგია თუ რა მდგომარეობაშია დღეს საქართველო და ამისდა მიხედვით შეიმუშაონ იდეოლოგია თუ როგორ უნდა გამოვიდეთ ამ დუხჭირი აზროვნებიდან და ამ დუხჭირი მიდგომებიდან და ა. შ...

-ამბობენ და წერენ, რომ შენი გადაცემა რყვნის მაყურებელს..

-თუ გარყვნილი არ ხარ, არ არსებობს, რომ ვინმემ გაგრყვნას. ექიმთან ადამიანი მიდის იმიტომ რომ ჩაიტაროს ანალიზი, გამოაშკარავოს თავისი დაავადება და იმკურნალოს, თუ ადამიანი თვლის რომ მე მყავს მახინჯად მოაზროვნე რესპონდენტები, უმკურნალოს საზოგადოებამ. „მლანძღავენ, ღუპავ ერსო, ეს გადაცემა რომ არ იყოს, ეს ამბები არ მოხდება“?
ძალიან დიდი პრობლემა დავეაყენე გადაცემაში, ძალიან დიდი ტრაგედია იყო ემიგრანტებზე. ამაზე არავინ ამახვილებს ყურადღებას, რამდენი სერიოზული თემაც დაიდო, იმდენი არ იყო მაყურებელი. ამას გადაცემას ჰყავს მაყურებელი. ყველაზე საშინელი კი ისაა, რომ ამბავი ატყდა იმაზე, თუ რატომ საუბრობდნენ ქართულ მენტალიტეტზე და არავინ არ დაწერა 12 წლის ორსული გოგოს ამბავზე, არავინ დაწერა იმაზე თუ რა დიდი ტრაგედია მოხდა, არავინ არ ილაპარაკა არც იმ 75 წლის მოხუც ქალზე, რომელიც გააუპატიურეს. ამ საკითხებმა და ფაქტებმა არავინ შეაწუხა? ხალხს რა აწუხებს ვერაფრით ვერ გაერკვია თვითონ.