პარლამენტის პლენარულ სხდომაზე დღეს პირველკლასელების ასაკთან დაკავშირებით „ნაციონალური მოძრაობის“ მიერ მომზადებულ კანონპროექტზე იმჯელებენ.

ოპოზიცია მიიჩნევს, რომ ასაკთან დაკავშირებული შეზღუდვა უნდა მოიხსნას და მშობელმა თავად გადაწყვიტოს როდის შეიყვანოს შვილი სკოლაში.

„ეხლა არსებული კანონით იმისათვის, რომ ბავშვი სკოლაში შევიდეს ის უნდა იყოს 6 წლის. ჩვენი ინიციატივის მიხედვით, თუ ბავშვი მიმდინარე წლის დეკემბრამდე ხდება 6 წლის, მან უნდა დაიწყოს სწავლა და შევიდეს სკოლაში“, - აცხადებს პარტიის წევრი კობა სუბელიანი.

უმრავლესობაში კი ამბობენ, რომ 5 წლის ასაკაში ბავშვის სკოლაში შეყვანა ნეგატიურ გავლენას მოახდენს მის განვითარებაზე.

„უამრავი სამეცნიერო კვლევით დასტურდება, რომ 5 წლის ასაკის ბავშვები არ არიან მზად იმისთვის, რომ ისეთი რთულ პროცესში მიიღონ მონაწილეობა, როგორიც არის სასწავლო პროცესი. ეს მათ განვითარებაზე როგორც ფიზიოლოგიურზე, ისე ფსიქოლოგიურზე ნეგატიურ გაველნას ახდენს. მიუხედავად იმისა, რომ კომიტეტმა მხარი არ დაუჭირა ინიციატივას, პლენარულ სხდომაზე მაინც მოხდება კენჭისყრა“, - განაცხადა ჩაფიძემ.

ნინო დათაშვილი