ფოტოგრაფი ირაკლი გედენიძე, რომელსაც რესპუბლიკის მოედანზე შეკრებილმა აქციის მონაწილეებმა ფიზიკური შეურაცხყოფა მიაყენეს, ინგოროყვას კლინიკაშია გადაყვანილი. ადგილზე შეკრებილებმა გედენიძეს კამერაც დაუმტვრიეს.

გედენიძესა და აქციის მონაწილეებს შორის დაპირისპირება რესპუბლიკის მოედანზე ცოტა ხნის წინ მოხდა. ადგილზე რამდენიმე პოლიტიკური ძალის წარმომადგენლები იკრიბებოდნენ. ამ დროისთვის მათ ექსპრემიერის ბიძინა ივანიშვილის რეზიდენციასთან გადაინაცვლეს.

აქცია სახელწოდებით „შემოულაწუნე“ „თავისუფალი საქართველ“ ორგანიზებით იმართება. მასში მონაწილეობას იღებენ ასევე „პოლიტიკური გაერთიანება რეფორმატორები“, „ქრისტიან-დემოკრატები“ და „სოციალ-დემოკრატები.