საქართველოს მესამე პრეზიდენტის დედის გიული ალასანიას საპატრიარქოში ვიზიტის შესახებ გავრცელებულ ინფორმაციას საქართველოს საპატრიარქო ეხმაურება. საპატრიარქოს გიული ალასანიას პატრიარქთან ვიზიტს ადასტურებს.

„სოციალურ ქსელებში ვრცელდება ინფორმაცია, თითქოს კათოლიკოს-პატრიარქმა თავისთან დაიბარა ქალბატონი გიული ალასანია, რათა მას ,,მიშასათვის გადაეცა, დაბრუნდეს და ქვეყანას მიხედოსო,“ რაც სიმართლეს არ შეესაბამება. როგორც ჭორების უმრავლესობა, ეს ინფორმაციაც მტყუან-მართლის ნაზავია: ქალბატონი გიული მართლაც იყო მოსული საქართველოს საპატრიარქოში იანვრის პირველ რიცხვებში ოღონდ თავისი სურვილით და იმ მიზნით, რომ სხვა მოქალაქეების მსგავსად, მისი უწმინდესობისათვის მიელოცა დაბადების დღე, რასაც იგი გასულ წლებშიც აკეთებდა; ვიღაცას კი ძალიან სურს სხვა ელფერი მისცეს ამ ჩვეულებრივ ფაქტს. სხვათა შორის, ქალბატონი გიული ალასანიას ახლობელი, ქალბატონი დარეჯან კუხიანიძეც იგივეს წერს თავის ფეის-ბუქის გვერდზე, მაგრამ რატომღაც ტირაჟირდება სხვების ,,სიმართლე,“ მისი კი, - არა.“- ნათქვამია საპატრიარქოს პრეს-სამსახურის მიერ გავრცელებულ განცხადებაში.

შეგახსენებთ სოციალურ ქსელსში აქტიურად წერდნენ იმაზე რომ პატრიარქმა თავისთან დაიბარა ექსპრეზიდენტ მიხეილ სააკაშვილის დედა, გიული ალასანია და მას სთხოვა, გადაეცა შვილისთვის, რომ საქართველოში დაბრუნდეს და ქვეყანას მიხედოს. ინფორმაციას ადასტურებს ,,ფესიბუქის“ მომხმარებელი ნანა დურგლიშვილი, რომელიც ამ შეხვედრის დეტალებზე წერს.

,,კი დავწერე რამოდენიმე ადგილას კომენტარში, მაგრამ რადგან უამრავ ადამიანს აინტერესებს ეს ფაქტი რამდენად მართალია გადავწყვიტე ,რომ სტატუსად გამომეტანა, შეგიძლიათ გაავრცელოთ .

ვხედავ დიდი ბჭობა მიდის თემაზე , მართალია თუ არა ინფო იმის შესახებ ,რომ პატრიარქმა გიული ( მიშას დედა ) დაიბარა და სთხოვა მიშასთვის გადაეცა, რომ სასწრაფოდ დაბრუნდეს და მიხედოს ქვეყანას. , ეს არის სიმართლე ,ეს მოხდა დაახლოებით ერთი თვის წინ, მიიღო თავის საძინებელში, სადაც ესაუბრა და სთხოვა , რომ მიშასთვის გადაეცა დანაბარები, მერე გამოაცილა ყველას დასანახად. რამოდენიმე მეგობრის კედელზე წავაწყდი ამ თემაზე კამათს და მსჯელობას, ეს მოხდა თუ არ მოხდა . მთელი პასუხისმგებლობით ვაცხადებ , რომ ეს ფაქტი ნამდვილად მოხდა , ეს ამბავი მართალია !“ - წერს ნანა დურგლიშვილი.

_{ნინო ზედგენიძე}