Gulf Georgia-ს მხარდაჭერა "პირველი ნაბიჯის" ცენტრს და შშმ ბენეფიციალებს

საზოგადოება - 13:41, 04 Mar, 2015

1448

დედის დღის დღესასწაულთან დაკავშირებით „პირველი ნაბიჯი საქართველოს“ დღის ცენტრს ნავთობკომპანია Gulf Georgia ეწვია, რომელიც უკვე რამოდენიმე წელია სოციალური პასუხისმგებლობის ფარგლებში მხარს უჭერს “პირველ ნაბიჯს“ და მის ბენეფიციარებს, რომლებიც არიან შეზღუდული შესაძლებლობის მქონე 18 წლამდე ასაკის ბავშვები და მოზარდები.

ამჯერად კომპანია გალფის მხარდაჭერა გამოიხატება დღის ცენტრისათვის, ისეთი საჭირო ნივთების შეძენაში როგორიცაა - ტელევიზორი და დი-ვი-დი, რაც პედაგოგებს ესაჭიროებათ სპეციალური, განმავითარებელი ვიდეოგაკვეთილების წარმართვისათვის. აგრეთვე, კომპანია გალფი „ხელოვნების წრეს“ გადასცემს სხვადასხვა ტიპის სახატავ და საძერწ მასალებს, რომელიც დიდი რაოდენობით ესაჭიროებათ ბავშვებს. ხელოვნების წრის ფარგლებში ორგანიზაციის ბენეფიციარები სწავლობენ ფუნჯებისა და სხვადასხვა მასალების გამოყენებას, ხატვას, ძერწვას, ამზადებენ მისალოც კორპორატიულ ბარათებს, ქმნიან ნამუშევრებს გამოფენა-გაყიდვებისთვის და ა.შ. ხელოვნების წრე ბავშვებს უვითარებს ერთმანეთთან თანამშრომლობისა და ერთობლივი მუშაობის კულტურას, აგრეთვე შემოქმედებით და ფანტაზიის უნარებს.

„პირველი ნაბიჯი საქართველო“ - არის არასამთავრობო, საქველმოქმედო ორგანიზაცია, რომელიც 1998 წელს დააფუძნა ჯეინ ქორბოიმ და ნინო ქადაგიძე-ჟვანიამ. ორგანიზაცია ემსახურება შეზღუდული შესაძლებლობის მქონე 18 წლამდე ბავშვებსა და მოზარდებს, აწვდის მათ სხვადასხვა მომსახურებას და ზრუნავს მათი ცხოვრების ხარისხის გაუმჯობესებასა და სოციალურ ინტეგრაციაზე. თავისი არსებობის 16 წლის მანძილზე, ორგანიზაციის ძალისხმევის შედეგად, ასობით შეზღუდული შესაძლებლობის მქონე ბავშვმა დატოვა ბავშვთა სახლი, დაუბრუნდა საკუთარ ოჯახს, გაიარა სარეაბილიტაციო მომსახურება და შეძლო განათლების სისტემაში ჩართვა და სოციალური ინტეგრაცია. ამჟამად ჩვენ წარმატებით ვახორციელებთ სხვადასხვა სახის ფსიქო-სოციალურ, საგანმანათლებლო და ოჯახის მხარდამჭერ პროგრამებს მძიმე და ღრმა შეზღუდული შესაძლებლობის მქონე 350-ზე მეტი ბავშვისთვის. გვაქვს დღის ცენტრი თბილისში 50 ბავშვზე გათვლილი, ვახორციელებთ შინ მოვლისა და ადრეული ინტერვენციის პროგრამას.