5 მარტს სამგორის რაიონის ნაწილს წყალმომარაგება შეუწყდება

საზოგადოება - 09:36, 04 Mar, 2015

1371

კომპანია „ჯორჯიან უოთერ ენდ ფაუერმა“ 4 მარტის, გამთენიიდან, თბილისში, სამგორის სათავე ნაგებობაზე რთული ტექნიკური სამუშაოების განხორციელებას შეუდგა. კერძოდ, კომპანია სამგორის ობიექტიდან გამომავალ 1000 მმ-იან მაგისტრალურ წყალდენზე, დამატებით, 1000 მმ-იან ორ ჩამკეტ-მარეგულირებელ ურდულს დაამონტაჟებს. სამუშაოების ჩატარება წყალსადენის გარკვეული ქსელების წყლისგან დაცლას მოითხოვს. დამატებითი ურდულების მოწყობის შედეგად, სამგორის სათავე ნაგებობის ფუნქციონირება გაცილებით სტაბილური გახდება.

აღნიშნული სამუშაოების განხორციელების მიზნით, მიმდინარე წლის 5 მარტის ღამის 01:00 საათიდან 6 მარტის დილის 07:00 საათამდე წყალმომარაგება შეუწყდება: ზემო პლატოს II მ/რაიონს, ზემო პლატოს დასახლებას, ასევე, სამგორის რაიონის ქუჩებისა და დასახლებების დაწილს.

„ჯორჯიან უოთერ ენდ ფაუერი“ შეეცდება სამუშაოების ჩატარება შესაძლებლად მოკლე დროში დაასრულოს. წყალმომარაგება აღდგება 6 მარტის 07:00 საათიდან, ეტაპობრივად, სამუშაოების დასრულებისთანავე.

წყალმომარაგების შეწყვეტის თაობაზე დეტალური ინფორმაციის მოძიებას თბილისელები შეძლებენ „ჯორჯიან უოთერ ენდ ფაუერის“ ოფიციალურ Facebook-გვერდზე და ვებგვერდზე - http://www.georgianwater.com/ka/gadaudebeli/1685-tbilisis-zogiert-quchas-tskhalmomarageba-sheezghudeba

ასევე, ნებისმიერ მომხმარებელს შეუძლია მიმართოს კომპანიის ცხელ ხაზს ( 2 93 11 11 ).