სატანისტი მოზარდები დუშეთში - ,,ამოყირავებული ჯვრები და ღამის რიტუალები“

სატანისტი მოზარდები დუშეთში - ,,ამოყირავებული ჯვრები და ღამის რიტუალები“ - რას ამბობენ ადგილობრივები

საზოგადოება - 20:19, 02 Mar, 2015

11709

რა ხდება დუშეთში და ვინ არის ის 60-მდე მოზარდი, რომლებიც ადგილობრივების თქმით, ამოყირავებული ჯვრებით და ზედ ამოსვირინგებული წარწერით: ,,სიძულვილი“ დადიან.

საქართველოს ერთ-ერთ რეგიონში ახალგაზრდების უცნაური ცხოვრების შესახებ განცხადება დღეს პარტია ,,რეფორმატორების“ წარმომადგენელმა ნინო ჩარკვიანმა ,,კვირას“ პრესკლუბში გააკეთა, რომელიც ამბობს, რომ დუშეთში მომხდარი ფაქტები მოსახლოების აღფოთების საგანად იქცა. როგორც ,,ნიუპოსტთან“ ნინო ჩარკვიანი აცხადებს, ამის შესახებ ადგილობრივების ნაწილი ღიად საუბრობს და დაინტერესებული არიან, რომ ფაქტი გამომჟღავნდეს, ხოლო ნაწილს ამაზე საუბრის ეშიანია, რომ მათ ზიანი არ მიადგეთ.

,,ნიუპოსტს“ წყარო დაუკავშირდა, რომელიც ამბობს, რომ დუშეთში ნამდვილად არსებობს ე.წ. სექტანტების ჯგუფი. პიროვნებამ რომელმაც კონფიდენციალობის დავა ითხოვა, მხოლოდ ის განაცხადა, რომ მისი სურვილია, ფაქტი გამომჟღავნდეს და ,,დუშეთიდან მოაშორონ ეს ახალგაზრდები“.

,,რეფოტრმატორების“ წევრი ნინო ჩარკვიანი აცხადებს, რომ მის ხელთ არსებული ინფორმაციით, დუშეთში გარდაცვლილი ახალგაზრდები სატანისტურ სექტასთან იყვნენ კავშირში.

,,ორი დღის წინ დუშეთში 15 წლის გოგონა გარდაიცვალა. მან კალიუმის ციანიდი დალია, რომელიც, როგორც დასტურდება, თბილისიდან მიკროავტობუსის საშუალებით გაუგზავნეს. გოგონას ქმედების მიზეზი რამდენიმე დღის წინ გაურკვეველი მიზეზით მისი 18 წლის შეყვარებულის გარდაცვალება გახდა. ჩვენ გვაქვს ინფორმაცია, რომ ორივენი დუშეთში არსებულ სატანისტურ სექტასთან იყვნენ კავშირში. ამ სექტის წარმომადგენლები რიტუალებს ღამით დუშეთის სასაფლაოზე ატარებენ. აქამდე ისინი სასაფლაოზე ცხოველებს თავებს აჭრიდნენ, ახლა კი მდგომარეობა ბევრად მძიმეა და ამ სექტას უკვე მოზარდები ეწირებიან“,- აღნიშნა ჩარკვიანმა.“

ნინო ჩარკვიანი ამბობს, რომ აღნიშნულის შესახებ უკვე საქმის კურსშია პოლიციაც, რომელმაც გოგონას გარდაცვალების გამო თვითმკვლელობამდე მიყვანის მუხლით საქმე აღძრა და სოციალურ ქსელში სექტის საიდუმლო ჯგუფის ინფორმაციის შესწავლა დაიწყო.

ჩარკვიანმა შინაგან საქმეთა მინისტრს საქმის პირად კონტროლზე აყვანა სთხოვა. ამასთან ერთად იგი საპატრიარქოსა და ბავშვთა უფლებების დაცვის ორგანიზაციებს სთხოვს დახმარებას.