ნათია ფანჯიკიძე: „გინეკოლოგიურ კაბინეტზე მეტად კონფიდენციალურია სულის საკითხები“

საზოგადოება - 15:14, 02 Mar, 2015

1562

„კამარას“ დამფუძნებელი პოლიტიკოსის ფსიქოლოგი მეუღლე „ფეისბუქის“ პირად გვერდზე სისტემატიურად აქვეყნებს პაციენტთა ნამუშევრებს და მოწონებებსაც უხვად იღებს.

ამ ნახატების დათვალიერების შემდეგ ბევრს ფსიქოსოციალურ რეაბილიტაციის ცენტრში სტუმრობის სურვილიც უჩნდება. თუმცა, დამფუძნებლის პასუხი ამგვარია.

ნათია ფანჯიკიძე: „სურვილისთვის დიდი მადლობა, თუმცა ხშირად ავიწყდებათ, რომ ეს ფსიქოთერაპიის სახლია და არა ხელოვნების სკოლა. სამუშაო პროცესი აქ ადამიანებს და მათ ტკივილებს ეხება, თქვენი თერაპია რომ იყოს, მაშინ თქვენ მომთხოვდით კონფიდენციალურობის დაცვას და ვერ გაიგებდით, რატომ მოიწევენ კლინიკაში სტუმრები. გინეკოლოგიურ კაბინეტზე მეტად კონფიდენციალურია სულის საკითხები. ამიტომ, როცა თვითონ გამოვდივართ გარესამყაროსთან შესახვედრად, მაშინ გვესტუმრეთ ხოლმე“.

ხოლო ნამუშევრებს კი ამ სიტყვებით აფასებს.

„ასეთ ნახატებს "მაგნიტურ რეზონანსულ კვლევას და უფრო მეტს" ვეძახი, პირდაპირ არაცნობიერიდან, სიზმრის ფანტომური სამყაროდან და ხშირად ნეირონების ჯერ კიდევ სიტყვებად, ფიქრებად ვერქცეული პროცესებიდან მოედინება თითქოს.დატკბით უბრალოდ.“