სასწრაფოდ უნდა დაიწყოს პრივატიზაციის პროცესი და მოხდეს ბიუჯეტის კორექტირება

სასწრაფოდ უნდა დაიწყოს პრივატიზაციის პროცესი და მოხდეს ბიუჯეტის კორექტირება - გოცირიძე

ბიზნესი & ეკონომიკა - 12:46, 02 Mar, 2015

1738

სასტუმრო "ჰოლიდეი ინში" ჟურნალ Business Time Georgia-ს ანალიტიკური სამსახურის ორგანიზებით, ლარის კურსის ვარდნასთან და შექმნილ სავალუტო კრიზისთან დაკავშირებით მრგვალი მაგიდის სხდომა მიმდინარეობს. შეხვედრას ეკონომიკის ექსპერტები და ეროვნული ბანკის წარმომადგენლები ესწრებიან.

ეკონომიკის ექსპერტი რომან გოცირიძე მიიჩნევს, რომ ეროვნული ბანკის მიერ გადადგმული ნაბიჯები, რომელიც რეზერვების ნაკლები რაოდენობით გაყიდვას გულისხმობს სწორი იყო და საჭიროა მთავრობამ სასწრაფოდ დაიწყოს პრივატიზაციის პროცესი.

„მთავრობამ უნდა გაატაროს ძალიან სწრაფად მნიშვნელოვანი ღონისწიებები. სასწრაფოდ უნდა დაიწყოს პრივატიზცია, რომელიც დავივიწყეთ და ბოლო ორი წელია, როგორც ამბობენ ამ გზით 300-350 მილიონი ლარის მოზიდვა შეიძლება ძალიან სწრაფად და აგრეთვე სასწრაფოდ უნდა მოხდეს ბიუჯეტის კორექტირება.

ეროვნული ბანკი იქცევა ზომიერად, და ინტერვენციები, რომელიც მან განახორციელა მოხდა მხოლოდ მაშინ, როდესაც შესაძლებელი იყო კურსზე ზემოქმედების მოხდენა.

ლარის კურსი ეს არის ბაზირს მოთხოვნა-მიწოდება და არა ის, რომ მე სადღაც შევულოცე ან ვინმემ განცხადება გააკეთა, განცხადებებით ლარის კურსის გამყარება რომ ხდებოდეს გავაკეთებდით ყოველ დღე ბევრ განცხადებას და ლარიც გამყარდებოდა“,-განაცხადა რომან გოცირიძემ.

ლაშა ჯაფარიძე