რატომ წაართვეს რუსთავი 2-ის ოპერატორს „ოსკარზე“ აკრედიტაცია და რატომ „დაითხოვეს“ წითელი ხალიჩიდან ნინია ახვლედიანი

საზოგადოება - 08:01, 02 Mar, 2015

5705

„უსაფრთხოების ზომები იყო ზედმეტად დაცული. ყველას მკაცრად აკონტროლებდნენ“- ამბობს ამერიკიდან დაბრუნებული ნინია ახვლედიანი. სწორედ მისი დამსახურებით იღებდნენ ჟურნალისტები ცხელ-ცხელ ამბებსა და ახალ ფოტოებს ჰოლივუდიდან. ნინიას მიერ კინოცენტრის „ფეისბუქის“ გვერდზე ატვირთული სტატუსები და სიახლეები „ჩასაფრებულების“ მიერ წამებში „ნიუსდებოდა“.

ნინია ახვლედიანი: „როგორც ჟურნალისტისთვის იქ ყოფნა სასიამოვნოც იყო და ძალიან რთული სამუშაოც. უსაფრთხოების ზომები იყო ზედმეტად დაცული. არცერთ ფესტივალზე ასე არ მინახავს. ხალიჩაზე, სადაც მოსამზადებელ პერიოდში გადაღების უფლება გვქონდა და სადაც ასობით ჟურნალისტი მუშაობდა, ყველას მკაცრად აკონტროლებდნენ.

მეც როდესაც სტენდაფის ჩაწერა დავიწყე მომვარდნენ, „შნურიანი“ მიკროფონი უნდა გქონდეს, უსაფრთხოების მიზნით რადიო მიკროფონი არ შეიძლებაო. მერე კი გიტარის ცენტრში გამიშვეს და ახალი, „შნურიანი“ მიკროფონი მაყიდინეს...
არავითარ შემთხვევაში არ შეიძლებოდა აკრედიტაციებისთვის ფოტო გადაგვეღო და კადრში გამოგვეჩინა, სტენდაფის ჩაწერის დროსაც უნდა შეატრიალოთ, რომ არ გამოჩნდესო. რუსთავი 2-ის ოპერატორმა აიფონით გადაიღო, - ცოლისთვის მინდოდა გამეგზავნაო და წაართვეს აკრედიტაცია“.
წყარო: გაზეთი „პრაიმტაიმი“