22 წლის სტუდენტი მარაიმ ბაღდასაროვი მისთვის არასწორი ოპერაციის გაკეთების გამო ჯანდაცვის სამედიცინო საქმიანობის რეგულირების სააგენტოს მიმართავს.

როგორც ბაღდასაროვმა ჟურნალისტებთან საუბრისას განმარტა, ოპერაცია არასწორედ მას შპს „ტრავმატოლოგის“ ექიმმა ტატიანა აკობიამ გაუკეთა.

მისი თქმით, საყოფაცხოვრებო ტრავმის შედეგად იდაყვში ძვლის ამოვარდნილობა ჰქონდა, ორი ოპერაციის შემდეგ კი პრობლემა უფრო გამწვავდა. როგორც სტუდენტი მდგომარეობის გაუარესება პირველი ოპერაციის დროს დაშვებულმა შეცდომამ გამოიწვია.

„გასული წლი 9 სექტემბერს შპს „ტრამვატოლოგში“ ექიმმა ტატიანა აკონიამ გამიკეთა ოპერაცია. მარჯვენა ძვლის იდაყვი მქონდა ამოვარდნილი. მოხდა იდაყვის ძვლის ჩაყენება და ოსტესინთეზი მეტალური ჩხირებით. ოპერაციის შემდეგ ხელი დამიჩრქდა. ქალბატონი ტატიანა ჩემს ჩივილებს ყურადღებას არ აქცევდა და შეურაცხყოფას მაყენებდა. ამის გამო კატეგორიული უარი ვთქვი მასთან მეორე ოპერაციის გაკეთებაზე. მეორე ოპერაცია სხვა ექიმმა ნუგზარ იარაჯულმა გამიკეთა, ამომიღო ჩხირები, რისთვისაც მას მადლობას ვუხდი. ამ ორი ოპერაციის შემდეგ კი მაქვს საშინელი ტკივილები, ვღებულობ ტკივილგამაყუჩებლებს. ჩავიტარე გამოკვლევა და აღმოჩნდა, რომ აუცილებელია მესამე ოპერაცია. მივმართავ სამედიცინო საქმიანობის რეგულირების სააგენტოს, დამეხმარონ გარკვევაში, თუ რა ოპერაცია ჩამიტარა ქალბატონმა ტატიანამ და რატომ მჭირდება მესამე ოპერაცია. ფაქტობრივად, მარჯვენა ხელს ვეღარ ვხმარობ, ისევ ძვლის ამოვარდნილობა მაქვს“, - განაცხადა ბაღდასაროვმა.