ეკა ხოფერია ტვინიკოს-კრიტიკოსებს პასუხობს -ამის მისაღწევად ჩემი გადაცემები ვერ გამოგადგებათ

საზოგადოება - 12:40, 26 Feb, 2015

6474

„გიორგი იყო რეალითი პროექტის " პუტკუნ - შოუს" კასტინგის ერთ-ერთი მონაწილე. ძალიან სურდა ამ პროექტში მონაწილეობის მიღება. ამდენად, ბევრი თემასა და საკითხზე მასთან საუბარი შეთანხმებული იყო - ეკა ხოფერია ამ სიტყვებით იმ „გულშემატკივრებს“ ეხმაურება, რომლებიც ტელეწამყვანის შეკითხვამ აღაშფოთა.

ეკა ხოფერია: უნდა მეკითხა თუ არა 19 წლის ბიჭისთვის, ჰქონია თუ არა მას სექსუალური ურთიერთობა? მე მიმაჩნია, რომ კი. მორალურ ტრავმაზე ვინც მესაუბრებით გეტყვით, მისი მთელი ცხოვრებაა მორალური ტრავმა და ის 3 შეხვედრა, რაც მას ჩვენთან ჰქონდა, პირველი მცდელობაა ვინმემ გამოიყვანოს ჩაკეტილი წრიდან და რეალურად დაეხმაროს მას. მეც ვესაუბრე მას გადაცემამდე, ისევე, როგორც ყველა ჩემს სტუმარს ვესაუბრები წინასწარ. ასე რომ, ტვინიკოსებო, რეიტინგისთვის გააკეთაო, ექ ჩემს შემთხვევაში მისამართი შეგეშალათ და მეორე, ერთხელ მაინც გაცდით ამ თქვენს ვირტუალურ აუდიტორიას და რამე მართლა საქმე გააკეთეთ.

მარტო გიორგი იყო გადაცემაში? მედეას რომ ყოველ დილით ჰგონია, რომ მოკვდება და ნარკომანია საჭმლის, არ მეკითხა რატომ გაქვს პრობლემა? 19 წლის ბიჭი, რომელიც რეალითი პროექტზე მოვიდა, მზად იყო პირდაპირ ეთერში ესაუბრა ყველა თემაზე, არ იყო მზად ამ კითხვისთვის? ეგებ, ბევრ მის თანატოლს დავეხმაროთ? ეგებ მეტმა მოგვმართოს და ვუპოვოთ დიეტოლოგები, ფსიქოლოგები? თუ მხოლოდ მაშინ გაგვახსენდეს ეს ხალხი, როცა ტვ -ში დავინახავთ ან საზოგადო ტრანსპორტში, სადაც უკვე არც შედიან დაცინვის გამო.

P.s. ტვინიკოსებს არც ერთხელ რომ არ გაუშუქებიათ ის გადაცემები თუ პოსტები სოციალურ და ჯანდაცვის თემებზე რომ გამიკეთებია? იქნებ ისინი თავად ზრუნავთ თავიანთ რეიტინგსა და სკანდალურობაზე? მაგრამ ამის მისაღწევად ჩემი გადაცემები ვერ გამოგადგებათ, ძვირფასებო!!!!