ლიმონათი მათთვის ვინც კალორიებს ითვლის და არა მხოლოდ მათთვის. დღეს ლუდსახარშ ზედაზენში ახალი პროდუქციის ხაზის დიეტური ლიმონათის პრეზენტაცია გაიმართა, რომლის დალევა დიაბეტით დაავადებულ პირებსაც შეეძლებათ.

კომპანიის წარმომადგენლების განცხადებით დიეტური სასმელი მოსახლეობას ფასითაც გააკვირვებს. მიუხედავად ლარის კურსის ვარდნისა, ლიმონათი ყველა სეგმენტის მოსახლეობისთვის სავსებით ხელმისაწვდომი იქნება.

ზედაზენის კომერციული დირექტორის კახა პაიჭაძის თქმით, ზედაზენის ახალ ლიმონათს არ ახასიათებს დიეტური სასმელების სპეციფიური გემო.

„ჩვენ შევქმენით პროდუქტი, რომელიც არის ფაქტობრივად ნულოვანი კალორიის შემცველი, ეს პროდუქტი არს განკუთვნილი ძირითადად იმ ადამიანებისთვის, რომლებიც ცდილობენ ყოველდღიური კალორიების გაკონტროლებას, ასევე ეს არის უსაფრთხო დიაბეტის მქონე ადამიანებისთვისაც. ჩვენ ვიმუშავეთ ძალიან ბევრი იმისათვის რომ გადაგველახა ის პრობლემა რასაც ქვია დიეტური გემო, მოგეხსენებათ დიეტურ სასმელებს მოჰყვება დამახასიათებელი დიეტური გემო. სწორედ ამიტომ ჩვენ გვინდოდა შეგვექვმა ისეთი დიეტური სასმელი რომელსაც ექნებოდა ჩვეულებრივი ლიმონათის გემო. ჩვენ ამ პრობლემას გავუმკლავდით და უკვე წარმოებულ პროდუქტს ჩვეულებრივი ლიმონათის გემო აქვს.

კახა პაიჭაძემ ლიმონათის ფასზეც გაამახვილა ყურადღება.

რეალიზაციაში ამ კვირიდან დავიწყებთ ქსელის შევსება, დღეს უკვე ნებისმიერ მომხმარებელს შეუძლია საკუთარ უბნის მაღაზიაში მოიკითხოს და შეიძინოს ლიმონათი ხელმისაწვდომ ფასად. ჩვენ ვიმუშავეთ იმაზეც რომ ლიმონათის ფასი არ გაზრდილიყო მიუხედავად ლარის კურსის ვარდნისა. ფასი არის იმაზე ოდნავ მეტი ვიდრე ჩვენ ვგეგმავდით. 1ლიტრი ლიმონათი ეღირება 1 ლარი, ხოლო 2 ლიტრი ლიმონათის ფასი შეადგენს 1.80 თეთრს“. - განაცხადა კახა პაიჭაძემ “NewPosts”-თან საუბრისას.

ნოე რამიშვილი