ოსკარი, ქართველები და დინა ოგანოვას განსხვავებული პოსტი

საზოგადოება - 18:00, 23 Feb, 2015

8503

რამდენიმე წინადადებას მეც დავწერ,ოსკარზე... News Feed-ს ვათვალიერებ და... ამდენი ცინიზმი,საიდან გაქვთ? - კითხულობს ცნობილი ფოტოხელოვანი დინა ოგანოვა და ოსკართან დაკავშირებით განსხვავებულ პოსტს აქვეყნებს.

დინა ოგანოვა:„მთავარი პრობლემა რაშია იცით? ერთმანეთის სიხარული და ბედნიერება არ შეგვიძლია,რომ გავიზიაროთ.
ყოველ წელს გადის ქართული რეჟისორის ფილმი ოსკარზე ? (აქ შეგნებულად ვწერ ასე ამ წინადადებას,მერე ვიცი გამომეკიდებით და დაწერთ "ესტონური ფილმია" ) მაგრამ რეჟისორი ხომ ქართველია ნამდვილად,მსახიობები,გადამღები ჯგუფის ძირითადი ნაწილი,გადასაღები მოედანი და რაც მთავარია ისტორია,ეს ყველაფერი ხომ ქართულია?!
იმის მიუხედავად ფილმი მომწონს თუ არ მომწონს (ეს ცალკე საკითხია კიდევ) ზაზა ურუშაძემ მისცა ძალიან დიდი სტიმული ახალგაზრდა ქართველ რეჟისორებს,ოპერატორებს,ზოგადად კინოშნიკებს,რომ შეუძლებელი არაფერია,რომ თუ აკეთებ იმ საქმეს რაც ძალიან გიყვარს და დებ შენს გულს და სულს მასში,თუ სულ შრომობ,ეს აუცილებლად დაფასდება,ისევე როგორც "მანდარინების" მთელ ჯგუფს დაუფასდა და ისინი ოსკარის უცხოენოვან კატეგორიის ხუთეულში მოხვდნენ.
რატომ არ ლაპარაკობთ იმაზე,რომ ძალიან მაგარი მომენტია,როდესაც ასეთ ძლიერ ხუთეულში ხარ? ნანახი გაქვთ ამ კატეგორიის ფილმები?
რატომ არ ლაპარაკობთ,როგორი საამაყოა,რომ ასეთ სრულიად გენიალურ და ღირსეულ ფილმთან აგებ,როგორიც არის "იდა" ?
რატომ არ ლაპარაკობთ იმაზე,თუ როგორი მაგარია,რომ ფილმი შეისყიდა ძალიან ბევრმა ქვეყანამ,მათ შორის საფრანგეთს და ამერიკას გამოვყობ და დიდ ეკრანებზე იქნება იქ ნაჩვენები?აი რატომ არ ლაპარაკობთ ამ ყველაფერზე?
რატომ ვკითხულობ მხოლოდ ტექსტებს:
"იქ მოხვედრაც ისედაც დიდი მიღწევაა" , "რომ მოეგოთ,მაინც ვერ ჩამოიტანდნენ,დაკარგავდნენ" ,"როგორ უნდა ჩაგეძინოს ","პასპორტი როგორ უნდა დაკარგო" და მსგავსი უამრავი...
პლანეტის ყველა ადამიანი,რომელიც კინოში მოღვაწეობს,ოცნებობს წითელ ხალიჩაზე მოხვედრაზე და მე უზომოდ ამაყი და ამავდროულად ბედნიერი ვარ,რომ !ჩვენებს! ეს ოცნება აუხდათ,რომ შრომა,რომელიც "მანდარინებში" ჩადეს,დაუფასდათ!
რატომ არ ფიქრობთ იმაზე,რომ ისინი ჩვენზე მეტად ღელავენ,რამხელა საპასუხისმგებლოა წარმოიდგინეთ ოსკარზე შენი ქვეყნის ისტორიის წარდგენა,მითუმეტეს მაშინ როდესაც ასეთი "დაუნდობელი" ქვეყნის შვილი ხარ,რომელიც იმასაც კი არ გაპატიებს,რომ ნერვიულობისგან შეიძლება პასპორტი დაკარგო
@Zaza Urushadze Giorgi Nakashidze @Michael Meskhi Ia Sukhitashvili
heart emoticon
ვამაყობ თქვენით და "მანდარინები"ს მთელი გადამღები ჯგუფით
პ.ს
ახლა მხოლოდ ის დაგვრჩენია,რომ ღირსეულად დავხვდეთ,ჩვენს გამარჯვებულებს heart emoticon
ეს მხოლოდ დასაწყისია!