მართვის მოწმობის მსურველთათვის სიახლეა. თეორიულ გამოცდაში ცვლილებები შევიდა. როგორც გაზეთ „კვირის პალიტრასთან“ საუბარში შსს-ს მომსახურების სააგენტოს საგამოცდო და სარეგისტრაციო მომსახურების სამმართველოს უფროსი იმედა მაკასარაშვილი ამბობს, ახლა გამოსაცდელ პასუხების დაზეპირება ვეღარ მოხდება.

"მოგეხსენებათ, თეორიულ გამოცდაში ცვლილებები შევიდა. ახლა გამოსაცდელი პასუხებს ვეღარ დაიზეპირებს, რადგან სწორი პასუხი პოზიციას იცვლის. შესაძლოა, მეცადინეობისას „ა“ პოზიციაზე იყოს, გამოცდის ჩაბარების დროს კი „ბ“ პოზიციაზე. ამიტომ გააზრებულად უნდა ისწავლონ. ვისაც დაზეპირებული აქვს, შეცდომით პასუხობს და მერე პრეტენზია აქვს, ტყუილად ვისწავლეო?“, - ამბობს მაკასარაშვილი.

ნინო დათაშვილი