მიხეილ ჯავახიშვილის ქუჩის სავალ ნაწილსა და ტროტუარზე ქვაფენილის ნაცვლად მოდიფიცირებული ასფალტი დაიგება, რატომ იცვლება საფარი და როდის გაიხსნება ჯავახიშვილის ქუჩა (ელბაქიძის დაღმართი) - ამასთან დაკავშრებით ,,ნიუპოსტი“ მერიის პრესსამსახურს დაუკავშირდა.

,,თუ იქნება სამუშოებისათვის ხელსაყრელი ამინდები, დაახლოებით, 10 დღეში ჯავახიშვილის ქუჩა გაიხსნება“ - აცხადებენ მერიაში.

რას შეეხება ,,ნიუოსტის“ კითხვას, თუ რატომ გახდა საჭირო ქვაფენილის შეცვლა მოდიფისირებული ასფალტით, მერიაში აცხადებენ, რომ არსებობს რამდენიმე ფაქტორი, მათ შორის უსაფრთხოება ისეთი ტიპის ქუჩისთვის, როგორიცაა მიხეილ ჯავახიშვილის ქუჩა.

,,მიხეილ ჯავახიშვილის ქუჩაზე იგება მოდიფიცირებული ასფალტის საფარი, რაც რამდენიმე ფაქტორით არის განპირობებული. ქვაფენილი საკმაოდ ამორტიზირებული იყო. ზედაპირზე ჰქონდა ჯდენები (ჯდენა- დეფორმაცია, ზედაპირის დაწევა) და ა. შ. მოდიფიცირებულ ასფალტის საფარს, შემადგენლობიდან გამომდინარე, უფრო მეტი მოჭიდება აქვს, ვიდრე ქვაფენილს. ქვაფენილს, წვიმისა და თოვლის შემთხვევაში, უფრო ნაკლები მოჭიდება აქვს, ვიდრე მოდიფიცირებულ ასფალტს. შესაბამისად, ასეთი ტიპის საფარი არის უსაფრთხო ისეთი ქუჩის შემთხვევაშიც კი, როგორიც მიხეილ ჯავახიშვილის ქუჩაა. გარდა ამისა, მოდიფიცირებული ასფალტის საფარი ზრდის ამ ქუჩის გამტარუნარიანობას და ხმაურიც ნაკლები იქნება. მოდიფიცირებული ასფალტის დაგებით გვინდა, საქართველოში დავნერგოთ მსოფლიოში უკვე აპრობირებული ტექნოლოგია. მოდიფიცირებული ასფალტი, შემადგენლობიდან გამომდინარე, არის უფრო მდგრადი, მას აქვს უკეთესი დრეკადობის მოდული და ა.შ. ვიდრე, ჩვეულებრივ ასფალტს. შესაბამისად, ასეთი საფარი გათვლილია უფრო მეტ დატვირთვაზე და აქვს ექსპულატაციის მეტი ვადა“ - აცხადებს მერიის პრესსამსახური.

მათივე ცნობით, მთლიანად შეიცვლება კომუნიკაციები, იქნება ახალი და მინიმუმ 50 წლის განმავლობაში ქუჩაზე არანაირი სამუშაოების ჩატარება აღარ იქნება საჭირო.

როგორ გამოიყურებოდა ელბაქიძის დაღმართი, დღევანდელი მიხეილ ჯავახიშვილის ქუჩის მიმდებარე ტერიტორია გასული სუკუნის დასაწყსიში