ლა სკალა, რაჭველების მსოფლიო ტრიუმფი და აღფრთოვანებული ნიკოლოზ რაჭველი

კულტურა - 10:52, 22 Feb, 2015

4824

ლა სკალას სცენაზე მსოფლიოს წამყვანი ქართველი სოლისტები, ვერდის „აიდა“ და რაჭველების წარმატებით გახარებული ნიკოლოზ რაჭველი. რომელიც ანიტა რაჭველიშვილისა და გიორგი გაგნიძის შთამბეჭდავ გამოსვლას ვრცელი პოსტით ეხმაურება.

ანიტა ამნერისის არიას ასრულებს, გიორგი ამონასროსი.

ნიკოლოზ რაჭველი: „ახლა დასრულდა პირდაპირი გადმოცემა მილანიდან, სადაც ლა სკალას ოპერის თეატრში მიმდინარეობდა ვერდის "აიდა" უდიდესი მაესტროს ზუბინ მეტას დირიჟორობით და ორი ბრწყინვალე ქართველი მომღერლის ანიტა რაჭველიშვილისა და გია გაგნიძის მონაწილეობით მთავარ როლებში.

ეს იყო დიდი ტრიუმფი არამარტო ლა სკალასი, არა მარტო შემსრულებლების, არამედ ჩემი საქართველოსი! მინდა ყველას, განურჩევლად იმისა გიყვართ თუ არა საოპერო მუსიკა, ანიტას და გიას შემოქმედება, მოგილოცოთ ჩვენი ნიჭის, ჩვენი გენის ასეთი დიდი (და რაც მთავარია არა პირველი და არა ბოლო) გამარჯვება!!!
ასეთ წუთებში ვარ ყველაზე ამაყი და ბედნიერი!!!
P.S. რა ვქნა, არ შემიძლია ცალკე არ მივულოცო ჩემს რაჭას და რაჭველებს, რადგან ერთიც და მეორეც ჩემი კუთხის შვილები არიან, კუთხის რომელშიც მხოლოდ 5000-ამდე ადამიანი ცხოვრობს და არც ისე ძნელი წარმოსადგენია რაოდენ განსაკუთრებული და სასიხარულოა რაჭველების მსოფლიო ტრიუმფი“!!!