გაძვირდება თუ არა ელექტროენერგია

ბიზნესი & ეკონომიკა - 01:21, 22 Feb, 2015

2797

ცნობილია, რომ პირველი მარტინად გაზის ტარიფი იურიდიული პირებისთვის 15 თეთრით გაიზრდება. განსხვავებით ბუნებრივი აირისგან, ლარის დევალვაციის შედეგად, დენის ტარიფის მატება უკლებლივ ყველას შეეხება. რას აცხადებენ მარეგულირებენ კომსიაში და რა პროგნოზები აქვთ ექსპერტებს.

ელექტრომარეგულირებენ კომპანიაში აცხადებენ, რომ ჯერ-ჯერობით არცერთ კომპანიას ტარიფის ცვლილებასთან დაკავშირებით განაცხადი არ შეუტანია. სპეციალისტები ვარაუდობენ, რომ ეროვნული ვალუტის გაუფასურების ფონზე, უახლოეს პერიოდში კომპანიები ტარიფის მატებასთან დაკავშირებით სემეკს მიმართავენ, რაც თავისთავად აისხარება სამომხმარებლო ფასებზე. მათი თქმით, თბოელექტროსადგურებთან დაკავშირებით იქნება მიმართვა, რადგან ისინი მთლიანად არიან დამოკიდებული იმპორტირებულ გაზზე და შესაძლოა ტარიფმა 1.5 თეთრით მოიმატოს. არ არის გამორიცხული ტარიფის მატების მოთხოვნა ,,ენერგოპროჟორჯიას“ მიერ, რომელიც არის ყველაზე მსხვილი დისტრიბუტორი კერძო კომპანია. კომპანიაში ჯერ-ჯერობით არც ადასტურებენ და არც უარყოფენ ამ ინფორმაციას, თუმცა გასული წლის სექტემბერში, როცა მათ მემორანდუმს გაუვიდა ვადა, მიმართეს სემეკს ელექტორტარიფის კორექტირებაზე, თუმცა მაშინ ეს მოთხოვნა არ დაკმაყოფილდა.

,,სემეკში განაცხადი კომპანიების მხრიდან ტარიფის ცვლილებასთან დაკავშირებით, არ არის“ - აცხადებს ენერგო ომბუდსმენი სალომე ვარდიაშვილი. მისი თქმით, ეს დამოკიდებულია თავად კომპანიის დამოკიდებულებაზე ამ საკითხთან.

,,თბოსადგურებისთვის ბუნებრივი გაზის იმპორტი არის მთლიანად 100%-ით, ამას ვყიდულობთ დოლარზე და თბოსადგურები წარმოებულ ელექტროენერგიას ყიდიან თეთრებში, ამიტომ მათ მიერ წარმოებული ელექტროენერგია უნდა გაიზარდოს, ეს გაზრდა ბუნებრივია იმოქმედებს სამომხმარებლო ტარიფზე.“ - ამბობს ექსპერტი პაატა ცინცაძე.