,,მაიდნის შეიძლება მხოლოდ მტერს ეშინოდეს... იმედი მაქვს, აქციაზე პროვოკაციები არ იქნება“

საზოგადოება - 13:04, 21 Feb, 2015

1972

7 მარტს მთავრობის კანცელარიასთან რამდენიმე არასამთავრობო ორგანიზაცია აქციას მართავს.

როგორც აქციის ერთ-ერთმა ორგანიზატორმა, ,,დემოკრატიული განვითარების ეროვნული ცენტრის" ხელმძღვანელმა მუხრან ბურჭულაძემ „ნიუპოსტთან“ საუბარში განმარტა ერთ-ერთი მთავარი მოთხოვნა მთავრობის მიმართ კარასინი-აბაშიძის ფორმატის გაუქმება იქნება.

„რამდენიმე არასამთავრობო ორგანიზაციამ გადავწყვიტეთ, რომ გავმართოთ აქცია. გვაქვს საორგანიზაციო საბჭო, სადაც აქციასთან დაკავშირებული საკითხები განიხილება. ჩართულობამ იმატა და სავარაუდოდ, კიდევ შემეოგვიერთდებიან სხვა არასამთავრობოები. ამ ეტაპზე ერთ-ერთი მნიშვნელოვანი მოთხოვნა მთავრობის მიმართ იქნება კარასინი-აბაშიძის ფორმატის გაუქმება. დანარჩენ მოთხოვნებზე საბჭო შეთანხმდება. მინდა იმედი დავიტოვო, რომ აქციაზე პროვოკაციებს ადგილი არ ექნება, რადგან ეს მშვიდობიანი აქცია იქნება. ბევრი საუბრობს, მაიდნის სცენარზე და ასე შემდეგ, მაგრამ ეს სისულელეა. მაიდნის შეიძლება მხოლოდ მტერს ეშინოდეს და იმ ადამიანებს, ვისაც ჩვენი ევროპული მომავალი არ უნდათ. მოვუწოდებთ ხელისუფლებას, რომ უზრუვნელყოს მშვიდობიანი აქციის მშვიდობიანი ფორმით წარმართვა“, - განაცხადა ბურჭულაძემ.

მისი თქმით, იმ შემთხვევაში თუ მათ მოთხოვნას ხელისუფლება იგნორს გაუკეთებს, ისინი პერმანენტულ აქციებს გამართავენ.

„ჩვენი მოთხოვნის შესასრულებლად მთავრობას შესაბამის ვადას მივცემთ. ჩვენ იგნორირება მათ წისქვილზე წყალს არ დაასხამს. იქნება შესაბამისი ზომებიც მიღებული. ვფიქრობ, რომ ჩვენმა ხალხმა უკვე დაინახა, რა შედეგი მოიტანა კარასინი-აბაშიძის ფორმატმა, რომელიც არაფრის მომტანი ფორმატია. თუ ხელისუფლება აქ შეასრულებს ჩვენ მოთხოვნას აქციები პერმანენტულ ხასიათს მიღებს. ხალხი შემოგვიერთდება და ხელისუფლება ჩვენი ხალხის არჩევნას დაინახავს. ჩვენი არჩევანი არ არის რუსული ჟანგიანი ტანკებისთვის ტრასების დაგება და ქინძის, კამის და ოხრახუშის რუსულ ბაზარზე შეტანა“, - აცხადებს ბურჭულაძე.

აქციაზე მისვლისკენ ბურჭულაძე იმ პოლიტიკოსებსაც მოუწოდებს, ვინც მისი თქმით, პროდასავლურ კურსს ურჩევენ

„მოვუწოდებ პოლიტიკოსებს, ვისაც ქვეყნის და ჩვენი ევროპული მომავალი აწუხებს. თუ ვინმეს ადარდებს ქვეყნის ევროპული მომავალი და პროევროპულ პარიებად ასაღებენ თავს, ყველას ვეუბნევით მოვიდნენ და საკუთარი ხალხის გვერდით“, - განაცხადა ბურჭულაძემ.

შეგახსენებთ, კარასინი-აბაშიძის შემდეგი შეხვედრა სავარაუდოდ, 26 თებერვალს გაიმართება.