უკრაინაში ერთი წლის წინ დაღუპული დავით ყიფიანის და ზურაბ ხურციას ოჯახის წევრები კიევის დედაქალაქში იმყოფებიან.

მათ გარდაცვლილების მემორიალი გვირგვინით შეამკეს. როგორც იცინი ამბობენ, გმირები ორი ქვეყნის, საქართველოს და უკრაინის თავისუფლებას შეეწირნენ.

„დღევანდელი დღე ჩემთვის ძალიან ემოციური და მძიმეა. დღეს შესრულდა ერთი წელი, რაც დავით ყიფიანი ცოცხალი აღარ არის. დღე არ გავა, რომ არ გავიხსენოთ. ლაშა-გიორგი მიდის მამამისის სურათებთან და ეფერება მას. რომ გაიზრდება ალბათ იამაყებს რომ ორი ქვეყნის გმირი მამა ჰყავდა“, - ამბობს ყიფიანის მეუღლე.

დავით ყიფიანის და კი იმედოვნებს, რომ გმირების დაღვრილი სისხლი უკვალოდ არ ჩაივლის.

„ჩემი ძმის დაღვრილი სისხლი ალბათ უკვალოდ არ ჩაივლის. ჩემი ძმა უკრაინაში დაიღუპა, მაგრამ ის საქართველოს ინტერესებს იცავდა“, - ამბობს ყიფიანის და.

მაიდნის ტრაგედიიდან დღეს ერთი წელი სრულდება. კიევის ტაძრებში დღეს გარდაცვლილის სულების მოსახსენიებელი წირვა-ლოცვა ჩატარდება.

ადგილობრივი დროით 19:00 საათზე კი პრეზიდენტი პოროშენკო ევრომაიდანზე შეკრებილებს მიმართავს.

ისინი დაღუპულების ხსოვნას წუთიერი დუმილით პატივს მიაგებენ. დაგეგმილია ასევე ღონიძიება, რომლის დასრულების შემდეგ მაიდანზე გარდაცვლილების სახელზე სანთლები დაინთება.