ნათია ფანჯიკიძე: „შენ ყველა ომის მოგება შეგიძლია... ვაშა ჩიტოსნობას “...

საზოგადოება - 11:24, 20 Feb, 2015

2285

„ასეთი ღიმილი ჩემი ცხოვრების საჩუქარია, რისთვისაც ამქვეყნად ყოფნა მიხარია“ - წერს საინტერესო პოსტებით განთქმული ნათია ფანჯიკიძე და „ფეისბუქის“ პირად გვერდზე იმ ისტორიას ჰყვება თუ რამ „აიძულა“ გურამ ფანჯიკიძე მესამე შვილის, ანუ ნათიას გაჩენაზე ეზრუნა.
ეს ისტორია მას იმ ფოტომ გაახსენა, რომელსაც პოსტთან ერთად უზიარებს მკითხველს.
ნათია ფანჯიკიძე: „ამ ფოტოს დანახვაზე მადლიერებით გამახსენდა კახელი კაცი, ვისი შეძახილის გამოც მამამ დამაპროექტა, დედამ პროექტი განიხილა და გამაჩინეს. ალბათ კახეთიც ასე ძალიან ამიტომ მიყვარს,
- "გამრავლდით ხალხო!" - მოუწოდებდა მამაჩემი ახალგაზრდული სიმხურვალით. შენ რამდენი გყავსო, კითხეს.
ორი, - დაირცხვინა მამამ. ხოდა, ჩამაეთრიე მაგ ტრიბუნიდან და ნაკლები ილაპარაკეო, - მიუთითა დალოცვილმა კახელმა.
"ახლა კი ჩამოვალ, მაგრამ გაისად სამი მეყოლებაო!" - ჩამობოდიალდა ტრიბუნიდან ნირწამხდარი.

ფაქტი აგერ ვპოსტავ, - მამა სიტყვის კაცი იყო.
ჩემი მეგობარი ეკა მეუბნება, მაგ ღლიცინა პრეისტორიით რომ გაგაჩინეს, ამიტომ ხარ ჩიტოსანიო.
ხოდა ვაშა ჩიტოსნობას.
მადლობა ვახო, შენ ძალიან მაგარო. ცენტრი დაარსდა თუ არა, პირველი მოვიდა, გაარღვია ფრთებით ყველა პრობლემა და დღეს მას აბარია მნიშვნელოვანი სამუშაო კამარაში და მის გარეშე არცერთი საქმე არ კეთდება. ეს არის ყველაზე საიმედო, ადამიანის და საქმის ყველაზე ერთგული კაცი.
ამაზე ნაკლები ღიმილი არ ვნახო შენს სახეზე არასდროს. ადრე მე გიღიმოდი რწმენით, რომ შენ ყველა ომის მოგება შეგიძლია, ახლა შენი ღიმილი მკურნავს მე“.