,,ჩემ წინ უცნაური ფერის პიროვნება იდგა"- მიშა ცაგარელის უცხოპლანეტელთან შეხვედრა

საზოგადოება - 10:07, 20 Feb, 2015

2595

მახსოვს გამიჩერდა საათი, მერე კი ძალიან საშინლად ამტკივდა თავი, ჩემს წინ ორ მეტრზე მაღალი, უცნაური ფერის პიროვნება იდგა, მე მივესალმე დიდი პატივისცემით და ვუსურვე მშვიდობა, მისი მხრიდანაც იყო ამგვარი დამოკიდებულება“ - „სხვა რაკურსის“ სტუდიაში მყოფი მიშა ცაგარელი ასე უცხოპლანეტელებთან პირველ შეხვედრას იხსენებს.

მიშა ცაგარელი, ასტროლოგი: „90-იან წლებში უცხოპლანეტელთა ძალიან ბევრი ხომალდი შემოდიოდა, გახსოვთ ალბათ მაშინ ამის შესახებ ბევრიც იწერებოდა. ეს კონტაქტი კი ძალიან საინტერესო იყო ჩემთვის, თუმცა გულის ფანცქალი დღემდე მახსოვს. სიმართლე გითხრათ მეშინოდა, რადგან უცხო იყო, სხვანაირი... რომ მკითხოთ ეხლა რა ენაზე ვილაპარაკეთ, ვერ გიპასუხებთ, იყო აბსოლუტურად ტელეპატიური კონტაქტი.
ასეთი დიალოგი არასოდეს არ მქონია, საერთოდ ძალიან რთულად გამოდიან კონტაქტზე, ეს კი იყო ერთადერთი, რომელმაც ყველაფერი გახსნა.

მან მითხრა, რომ ისინი ძველი ებრაული ტომების წარმომადგენლები არიან, ისიც მითხრა თუ რომელი თანავარსკვლავედიდან იყვნენ, მითხრა ასევე, რომ მათ გვერდით არიან ის ადამიანები, რომლებიც ადრე საქართველოს ამ ტერიტორიაზე ცხოვრობდნენ. რომ ისინი ოდითგანვე ცხოვრობდნენ აქ დედამიწაზე, მაგრამ ევოლუციურ გზაზე გაიარეს იგივე, რასაც ჩვენ ეხლა გავდივართ, მან თქვა - ერთ მშვენიერ დღეს ჩვენმა ცივილიზაციამ ამოწურა დედამიწა და ჩვენ გადავედით სხვა, ირგვლივ მყოფ სისტემებში...
ჩემი ერთ-ერთი კითხვა იყო, - რატომ, არ შემოდიხართ აქტიურ კონტაქტზე? ამგვარი პასუხი მივიღე - ჯერ ადრეა. როდესაც ჩვენ მივიღებთ ამის ბრძანებას მაშინ შემოვალთ. ხოლო კითხვაზე რატომ შემოდიხართ? რა არის მიზეზი? - მიპასუხაჩვენ ვიცავთ დედამიწას ადამიანების უგუნურობისაგან, რომელმაც შეიძლება დაანგრიონ იგი და თუ დედმიწა აფეთქდა , ეს გადაეცემა უკვე მთელ მზის სისტემას და მერე დაანგრევს სხვა ცივილიზაციებსაც.“